Blogia

AXENCIA DE NOTICIES CPN

Flores nel parque y Electroxoc
ganen nel 2u Festival CinegailesAST



El curtiumetraxe "Flores en el parque" y la película "Electroshock" resultaron ser les obres ganadores d'esta segunda edición del Festival Internacional de Cine Gai y Lésbicu d'Asturies - CinegailesAST 2007 que tuvo llugar en Xixón del 9 al 11 d'agostu onde se proyectaron los trabayos finalistes. Los premios concediéronse mediante votaciones del públicu asistente a caúna de les proyecciones que tuvieron llugar nel Auditoriu del Centru de Cultura Antigu Institutu Asturianu. El curtiu "Flores en el parque (o los primeros besos)" ye una realización de la directora y guionista arxentina Mariel Maciá (Salta, 1980) producida por enikpro.com nel añu 2006, onde se nos cuenta la primer relación de Lola y Ana nun parque: Lola apurre flores y Ana sólo duldes, la indecisión d'una ye una actitú provocativa pa la otra hasta que puedan dase los primeros besos. El públicu apreció esta gran obra de guion y actores mui cercana a la vida real de munches persones que s'enfrenten a una relación personal per primer vez otorgándo-y máximes puntuaciones. La película ganadora nesta edición ye "Electroshock" dirixida por Juan Carlos Claver y con guion del propiu Claver y d'Agustín Madariaga. Electroshock cunta con un gran repartu de grandes actrices, ye un drama conmovedor sobre'l sufrimientu de dos muyeres lesbianes que sufireron en propia persona les consecuencies d'una sociedá intolerante. Basada en fechos reales ocurríos na Hespaña del tardofranquismu cuando a Elvira la echen del trabayu por ser lesbiana y a Pilar ingrésenla nun manicomiu por ser lesbiana onde-y practiquen la tortura del electroxoc que-y dexará secueles irreversibles pa tola vida. Cuando paez que Pilar se recupera y vuelve con Elvira llueu de la lllegada de la democracia a Hespaña, el pesu del sufrimientu pasáu ye mui fuerte pa poder superalu. La película conmovió ya impresionó al públicu de tal manera que recibió máximes puntuaciones. Al empar, el trabayu de Julieta Serrano nesta película, nel papel de la madre, valió-y el Premiu a la Meyor Actriz del Festival, un merecíu reconocimientu a una gran actriz barcelonesa. El Premiu al Meyor Actor foi pa Tess Harper pol so papel na película norteamericana Loggerheads-Necios de Tim Kirkman. El premiu al Meyor Documental foi pa la produccion peruano-canadiense del añu 2005 titulada "Maricones" de Marcos Arriaga que narra la difícil situacion de la vida diaria de tantos homes y muyeres del colectivu GLT en países como El Perú onde al machismu, violencia y homofobia imperante hai qu'amestar la probura y la marxinación social y económica na que se desarrollen les sos vides. Na Gala de Pieslle del festival CinegailesAST rindióse un merecíu homenaxe a la carrera artística del director inglés Stephen Frears, Premiu d'Honor d'esta edición del Festival CinegailesAST 2007.



CinegailesAST
festivalcineastur@wanadoo.es

http://www.quediario.com/blogs/2517/


............................................................................................

CinegailesAST presenta la primer película europea
subtitulada al asturianu


El 2u Festival Internacional de Cine Gai y Lésbicu d'Asturies - CinegailesAST, que se cellebra en Xixón del 9 al 11 d'agostu del 2007, presentó na so xornada inaugural como novedá la primer película europea subtitulada n'asturianu. El mediumetraxe noruegu tituláu O'blig hos meg - Habita conmigo, de la directora Anette Ostro, rodáu nel añu 2002, yá participó na pasada edición del CinegailesAST y esta vez vuelve presentase al públicu col estrenu de subtítulos en llingua asturiana. Sara vive y trabaya con sos padres nun hotel ultracristianu de la costa noruega. Quieren qu'ella se case con David, un predicador cristianu. La película cuenta la hestoria d'Eva, una pintora que llega a una casa d'un pueblu de la rocosa y guapa costa noruega pa pintar el retablu principal de la ilesia del hotel. Eva va camudar la vida de Sara dafechu revelándo-y el misteriu sagráu del puru amor. El títulu alude a un conocíu salmu cristianu. La película volverá proyectase güei vienres 10 d'agostu a les 21 hores na sede principal del Festival, el salón d'actos del Centru de Cultura Antigu Institutu de Xixón. Los subtítulos son una realización de Mely Fernández y Xavi Vilareyo, axenciacpn@wanadoo.es


..................................................................................................

El 2u Festival CinegailesAST escomienza en Xixón


El próximu xueves 9 d'agostu entama en Xixón el 2u Festival Internacional de Cine Gai y Lésbicu d'Asturies - CinegailesAST 2007. El Festival fizo público les sos nominaciones a los premios d’esti añu. El festival tendrá llugar los díes 9, 10 y 11 d’agostu nel auditoriu del Centru de Cultura Antigu Institutu Asturianu y concederá los premios per votación popular del públicu. La película con más nominaciones ye Loggerheads-Necios del director norteamericanu Tim Kirkman (Meyor Película, Actores y Actriz) persiguida de cerca pola película tamién norteamericana Una palabra de cuatro lletres de Casper Andreas y pola producción hespañola titulada Electroxoc, de Juan Carlos Claver. Siguen en nominaciones la película bosnia Marcha pal oeste, de Ahmed Imamovic y l’arxentina Puto-Maricu, de Pablo Oliveiro. Tamién destaquen en nominaciones los curtiumetraxes Flores nel parque y Náugragos, xunto col restu de finalistes: Ester, Amar, Pausa, El procesu d’aceptación, Rixu pol fútbol y Enguedeyaos. Na estaya de documentales opten al premiu los trabayos Rosario Miranda, La puerta verde, El sexu los ánxeles y el documental peruano-canadiense tituláu Maricones. Los nominaos al Meyor Actor son Jesse Archer y Cory Grant por Una palabra de cuatro lletres y Tess Harper y Michael Kelly por Loggerheads-Necios. Les nominaes a Meyor Actriz son: Carmen Elías y Julieta Serrano por Electroxoc; Miriyana Karanovic por Marcha pal oeste; María Garralón por Náufragos y Bonnie Hunt por Loggerheads-Necios. Los países participantes nesta edición del CinegailesAST 2007 son L’Arxentina, Bosnia-Hercegóvina, Canadá, Estaos Uníos, Francia, Hespaña Israel, Noruega, El Perú nun cuntando esta vegada con producción asturiana. El Premiu d’Honor del Festival va concedése-y al director inglés Stephen Frears (Leicester, 1941) por ser un pioneru del cine gai nos difíciles años 80 algamando gran éxitu comercial a nivel mundial con títulos como La mio guapa llavandería (1985), Abre les oreyes (1987), y cola serie Yo tengo mieu de Virginia Woolf (1978). De recién algamó gran éxitu col homenaxe que-y dedicó a la princesa Diana, enfotada na llucha contra’l sida, a los diez años de la so muerte a través de la so axeitada película La reina.


.................................................................................................
Pieslla'l 11r Festival de naciones celtes d'Avilés


Esti domingu 29 de xunetu echó'l pieslle'l décimoprimer Festival Intercélticu d'Avilés 2007, el Festival de naciones celtes más importante d'Asturies. Del 20 al 29 de xunetu la ciudá entera d'Avilés vivió tou un eventu enllenu de cultura y folclore de les naciones celtes que va camín de camudase en tou un símbolu cultural non sólo pa la rexón avilesina sinon pa toa Asturies. Por ello l'Intercélticu d'Avilés quier reconocese como'l Festival Intercélticu más importante d'Asturies en comparanza con otros que se fain per tola xeografía astur.Esti añu les naciones participantes fueron: Bretaña, Escocia, Gales, Galicia, Irlanda y Asturies. Dende amueses de fotografía etnográfica como la entitulada "Asturies na emigración", pasando per mercaos tradicionales, concursu d'escanciáu, tonada, xuegos tradicionales, traineres, artesanía asturiana, deportes asturianos, cuentacuentos, talleres de baille, xornaes d'estudiu, pero sobretoo pasucais prestosos y tou un ampliu repertoriu de música celta na cai y bailles tradicionales de les naciones celtes. Les bandes de gaites participantes nesti añu fueron: Stuart Cassels, Ledicia, Curran-Fegan, Esbardu, Gaites de Corvera, Gaites d'Avilés, La reina'l Truébanu, Llacín, Llangréu, Dawnswyr Mon, Bagad Landi y The Pitlochry and Blair Atholl. Ente los grupos asturianos participaron Duu Astur, Xera, La bandina'l Tombo, ´Tuenda, Danzantes de Trabáu, L'escarpín, Los Ciquitrinos, y La Bandina. El sábadu 28 peslló la nueche intercéltica el grupu de folk escocés Capercaillie. L'homenaxe a les banderes nacionales de los países celtes y l'himnu d'Asturies marcó'l pieslle d'esta nueva edición del Intercélticu avilesín que tuvo por escenarios principales el nuevu polideportivu d'El Quirinal, la Plaza de Carlos Lobo, la de Camposagráu y la Plaza Mayor del Conceyu.


........................................................................................................

Entamen les excavaciones na ciudá ástur de Lancia


El pasáu dos de xunetu reentamaron les excavaciones nos nicios de la vieya capital de los ástures, la ciudá de Lancia, allugada nel conceyu de Villasabariegu, cerca del ríu Ástura. La Diputación de Lleón llevará alantre los trabayos dirixíos polos arqueólogos Emilio Campomanes, Jesús Liz y Jesús Celis y excavaráse en tola zona norte de Lancia, inda ensin descubrir. Nesta zona norte espérase atopar nuevos edificios que dean más lluz a les yá abondes ayalgues como xoyes celtes y vasixes de barru atopaes en Lancia y que s'alcuentren en dellos museos. Tamién contratóse a una empresa de fotos aeries pa facer semeyes dende'l cielu de toles excavaciones pa refacer el planu urbanu de la vieya ciudá de Lancia, que torna salir del so letargu hibernal y del olvidu institucional nel que s'atopaba esti importante centru arqueolóxicu ya históricu. La ciudá de Lancia foi capital de la nación de los ástures antes de la conquista romana del añu 25 enantes de c. , cuando la tomaron les tropes del xeneral Publio Carisiu. Nomada polos hestoriadores llatinos como "máxima urbs" de los ástures y cuntaba con grandes muries algamando la ciudá los dos kilómetros de diámetru este-oeste. Los ástures prefirieron quemar la so ciudá enantes de conquistala los romanos pero nun se destruyó dafechu. Continuó habitada dende'l sieglu I hasta'l V cuando s'abandonó. Nos nicios de Lancia inda son atopables un macellum o mercáu porticáu y delles termes. Tamién atopáronse xoyes y cerámiques d'un perclaru arte célticu pero son pocos yá que'l llugar nun recibió protección cultural o arqueolóxica hasta hai unos pocos años.


 

¿Y esta publicidad? Puedes eliminarla si quieres.

MANIFIESTU D'ESCRITORES ASTURIANOS


Los escritores qu’embaxo se nomen, con motivu los actos institucionales de la Selmana de les Lletres Asturianes 2007 qu’entama la Conseyería de Cultura, Comunicación Social y Turismu del Principáu d’Asturies

MANIFIESTEN:

Los escritores qu’emplegamos la Llingua Asturiana pa facer lliteratura semos, antes qu’escritores, persones que falamos y escribimos n’asturianu na nuestra vida diaria como ciudadanos.

Por ello, purriba de que se mos reconoza’l nuestru trabayu creativu como escritores, queremos que se mos reconozan y garanticen plenos drechos como ciudadanos que falen y escriben l’asturianu.

Esos drechos como falantes de la nuestra llingua materna tán espresamente recoyíos na Carta Europea de les Llingües Rexonales y Minoritaries (suscrita pol Estáu español) y nel articuláu de la Constitución española en vigor (mui especialmente nel Art. 3.2, qu’afita: “Las demás lenguas españolas –amás del castellán—serán también oficiales en sus respectiva comunidades autónomas”); ansina como tamién nel ordenamientu xurídicu asturianu (Estatutu d’Autonomía y Llei d’Usu y Promoción del Asturianu), inda que de forma insuficiente.

Especialmente llamentable vien siendo’l facer de les instituciones de Gobiernu del Principáu d’Asturies; yá que, arriendes d’incumplir pa col ordenamientu xurídicu de la Comunidá Autónoma no que cinca a la promoción, difusión y enseñanza de la llingua, nos últimos meses tán propiciando actuaciones directamente represives (y, polo tanto, illegales) escontra ciudadanos asturianos que quieren utilizar la so llingua propia con normalidá n’ámbitos d’usu distintos a los familiares o puramente lliterarios; situación ésta que nun se da nel restu les comunidaes con llingua propia dende va munchos años.

Gravísimes son, nesi sen, les recientes actuaciones represives escontra los señores Xurde Blanco y Xosé Nel Comba (funcionarios del propiu Principáu) por usar l’asturianu escritu na alministración; como lo ye tamién l’anuencia del Gobiernu asturianu y la Universidá d’Uviéu nel atropellu al doctorando Sr. Faustino Zapico, togándo-y la presentación del so trabayu académicu n’asturianu; la complacencia del Gobiernu énte actuaciones asemeyaes d’instituciones dependientes del Principáu; el tratu dau al asturianu nes emisiones de la recién creda radiotelevisión pública o el tratamientu dau al asturianu nel recién aprobáu currículu d’enseñanza; lo que, de por xunto, configura la triste semeya reciente de la marxinación y la represión llingüísitica que sufren la Llingua Asturiana y los sos falantes.
Por ello, los escritores que figuren embaxo, nun actu cívicu, pacíaficu y simbólicu de protesta escontra esta inxusta situación, en solidaridá colos ciudadanos enantes aludíos y col pueblu asturianu en xeneral, apauten lo siguiente:

Refugar los honores que mos ufierta’l Gobiernu del Principáu con motivu la Selmana les Lletres Asturianes y encamentá-y al mesmu que los tresllade a la propia Llingua, de la que namás semos heriedes y tresmisores; equiparándola social y xurídicamente coles demás llingües españoles, tal como manda la Constitución, y honrando ansina la memoria de los nuestros antepasaos y a tola xente que la tuvo y tien como propia dende va más de 1.000 años.

Denunciar l’actual situación de discriminación y represión de los ciudadanos asturianos no que cinca a los sos drechos llingüísticos; faciendo llegar esta denuncia, per tolos medios de que dispongamos, al conxuntu la sociedá asturiana y española; ansina como a les instituciones asturianes, españoles y europees que seyan competentes pal casu.

Afalar al conxuntu la sociedá pa desixir, de forma clara y rotunda, la plena oficialidá de la Llingua Asturiana y la igualdá de drechos de los asturianos colos demás ciudadanos del Estáu español.
N’ Asturies, a 26 d’Abril de 2007; col preste y la robla de:

Lourdes Álvarez García, Ánxel Álvarez Llano, Nel Caldevilla Vega, Xosé Lluis Campal, Sixto Cortina, Lluis Fano, Lluis Fernández Álvarez, Vicente García Oliva, Humberto González, Sabel López Labrada, Inaciu Llope, Pablo Marín Estrada, Xandru Martino Ruz, Marta Mori d’Arriba, Xosé Nel Riesgo, David Rivas, Pablo Rodríguez Alonso, Carlos Rubiera Tuya, Xuan Xosé Sánchez Vicente, Xulio Viejo, Xaviel Vilareyo, Xulio Vixil Castañón,








Palmarés del 3r Festival de Cine Asturianu

Los mediumetraxes Ricardo piezas descatalogadas de los directores naviegos Carlos y Carmen Rico y Último tren a Tahití del ovetense Carlos Navarro resultaron ser les obres ganadores d'esta tercer edición del Festival de Cine Asturianu celebrada n'Uviéu y que concedió los sos premios, los Fruteros de Cristal na Gala celebrada esti 4 d'abril nel Teatru Filarmónica. El Premiu al Meyor Curtiumetraxe n'Asturianu foir pa Matar el tiempu de Santos Hevia, un gran trabayu sobre la soledá nel mundu rural astur. El premiu al Meyor Documental foi pa Suena'l Camín de Producciones Lluna llena que reflexa un panorama críticu y actual de la música asturiana. Los dos actores mozos de Último tren a Tahití, Mariola Ruiz y Guillermo Vallverdú, recibieron los premios del xuráu a les meyores actuaciones y el premiu al meyor guion concedióse-y a Carlos Navarro por esta historia de desamor de Último tren a Tahití. El premiu a la Meyor Dirección foi pa los hermanos Carlos y Carmen Rico por Ricardo piezas descatalogadas, una gran realización sobre'l mundu d'un gayasperu taxista y de la xente que lu arrodia. La gran derrotada nesta edición del Festival foi El Último alquimista, una grandiosa producción del ovetense Nicolás Caicoya ambientada na guerra de l'Alemaña nazi y na búsqueda de la bomba atómica. El premiu a la Meyor Película foi pa La noche del escorpión, d'Eva Lesmes, un magníficu guion basáu en fechos reales acontecíos en Xixón nos años setenta inspiráu na novela L'aire les castañes del escritor Vicente García Oliva. El Premiu d'Honor ye pal productor morciniegu Xuan Gona por tola so trayectoria d'apoyu al cine y a los cineastes d'Asturies. El xuráu del Festival nesta tercer edición tuvo formáu polos directores y guionistes Alfonso Suárez, Ángeles Muñiz, Robertu Bernabéu, pol actor José Antonio Lobato y por Laura Lamadrid.

PREMIU D'HONOR:  JUAN GONA

MEYOR PELÍCULA: LA NOCHE DEL ESCORPIÓN

MEYOR OBRA N'ASTURIANU:  MATAR EL TIEMPU

MEYOR OBRA NOTRA LLINGUA: RICARDO PIEZAS DESCATALOGADAS

MEYOR ACTOR: GUILLERMO VALLVERDÚ

MEYOR ACTRIZ: MARIOLA RUIZ

MEYOR GUION: CARLOS NAVARRO POR ULTIMO TREN A TAHITÍ

MEYOR DIRECCIÓN: CARLOS Y CARMEN RICO POR RICARDO PIEZAS DESCATALOGADAS.

MEYOR DOCUMENTAL: SUENA'L CAMÍN

TRAILER DEL 3r FESTIVAL DE CINE ASTURIANU:

http://www.youtube.com/watch?v=bXQiG8BUif0

Entama en Madrid el VI Cursu de Llingua Asturiana

La Tertulia Asturiana de Madrid entama'l VI Cursu de Llingua Asturiana que se fairá del 17 d'abril al 26 de xunu nel primer pisu del perconocíu Café Comercial de la Glorieta de Bilbáu. La Tertulia Asturiana vien entamando estos cursos gratuítos dende l'añu 2001, los primeros en facese fuera d'Asturies y cuntarán tamién con material gratuíto y diplomes acreditativos pa los asistentes. El cursu tendrá una duración de 35 hores lectives y fairáse tolos martes de 7 a 9 la tarde, amás de práctiques que se fairán per internet. El director de los cursos ye l'escritor Xaviel Vilareyo, profesor tituláu pola Academia de la Llingua Asturiana y entamador de los cursos en Madrid hai yá seis años. El Café Comercial ye un clásicu y vieyu café del centru de la capital d'Hespaña, llar d'abondes tertulies lliteraries, atopable nun de los recantos más transitables de lo que foi la movida nocturna madrilana, pegáu a la cai Fuencarral y al barriu de Malasaña, na Glorieta de Bilbáu. El Cursu tien vocación tanto d'alfabetización llingüística como d'afondamientu oral y escritu mesmo pa asturianofalantes como pa non asturianofalantes ya estranxeros. Tamién quier ser un cursu participativu y abiertu onde toos puedan deprender nun espaciu distendíu ya informal. Pelos cursos pasaron profesores collaboradores como David Rivas o Xosé Bolado. Pa matriculase convién mandar un email a la seña   cursu@wanadoo.es

Promueven un boicó a los actos guvernamentales de la Selmana les Lletres

Escritores asturianos y persones vinculaes cola reivindicacion llinguistica coinciden en caltener un seriu boicó activu a los curtios actos oficiales convocaos pol gobiernu asturianu del psoe-iu pa la prósima Selmana de les Lletres Asturianes. Unu d’ellos ye un  actu cínicu de propaganda política consistente na entrega de los premios oficiales na marxinada llingua asturiana qu’indesplicablemente s’inxerten dientro d’esta progamación y que son una amuesa hipócrita añu a añu de compromisos y favores políticos de persones afines a los partíos gobernantes que marxinen l’asturianu. Dellos ciudadanos manifiesten la so disconformidá con toa esta hipocresía y cinismu políticu y animen a la ciudadanía a manifestase activamente en contra de toos estos actos gubernamentales enforma de manifestaciones y protestes énte los mesmos, yá que’l gobiernu psoe-iu quier usalos pa ganar votos y llueu siguir cola so activa política de ñegación del asturianu y d’esterminiu del mesmu a tolos niveles, exceptu nel de les suvenciones a los collaboradores y afines. El gobiernu psoe-ix prohibió l’asturianu na TPA  y agora anuncia unos diez minutos d’asturianu pa intentar evitar más protesta ciudadana de cara a les elecciones, lllueu de les mesmes tornaráse otra vegada a la represión llinguïstica. Los premios oficiales en llingua asturiana qu'añalmente convoca oficialmente el Goviernu Autónomu Asturianu, debío a la falta d'una politica de normalización minima cuando non por causa d'una serie d'ataques contra la llingua asturiana perpetraos de contino pol propiu goviernu y polos ámbitos oficiales de l'alministracion asturiana presidida anguañu pol socialista Vicente Alberto Alvarez Areces. La idea nun ye nueva y va años que dellos escritores boicoteen los premios oficiales renunciando a presentar obres mentantu la llingua nun obtenga la consideracion d'oficial pol propiu goviernu que vergoñosamente convoca unos premios oficiales, premios que se consideren dafechu desprestixaos por esti motivu, y a los sos ganadores unos cómplices políticos d’una polìtica antiasturiana. Los premios oficiales convócalos el goviernu asturianu pa una llingua qu'oficialmente nun reconoz y qu'oficialmente agrede de contino n'Asturies. Dalgunos escritores coinciden en señalar qu’estos premios oficiales nun són más qu’un llaváu de cara políticu del psoe que concede dineru a cambiu  de silencios y pesebrismos políticos. “Ye como si los nazis convocaren unos premios pa la lliteratura xudía, pa xustificar y tapecer la so política etnocida y esto ye esactamente lo que ta pasando na Asturies del psoe nel añu 2006”, señala un garrapiellu d’escritores entrevistaos. Esos premios oficiales son el premiu Xosefa Xovellanos de novela, Xuan Maria Acebal de poesia y Maximo Fuertes Acevedo d'ensayu en llingua asturiana que cada vegada tan mas desprestixaos pola accion negativa del goviernu asturianu y pol fechu de que nos sos xuraos siempre hai persones vinculaes directamente a los partios psoe y pp que nun reconocen precisamente y ñeguen la reconocencia del asturianu como llingua oficial n'Asturies y nel Estau Español. Les bases de los premios vienen siemrpe redactaes en billingue (castellanu y asturianu por duplicau) cuando pa estes convocatories oficiales de premios nun s'almiten obres en castellanu, pola contra cuando oficialmente s'almiten obres n'asturianu, les bases oficiales solo vienen redactaes en castellanu. La politica d'agresiones contra la llingua asturiana perpetrada pol actual goviernu socialista d'Alvarez Areces, materializao na prohibición del asturianu na nueva televisión guvernamental TPA,  ye interminable y tien agotao la paciencia d'instituciones, partios y colectivos de defensa de la llingua, asina l'Academia de la Llingua Asturiana  publicó un informe ampliu sobre la represion llinguistica n'Asturies y la non reconocencia de los drechos llinguisticos n'Asturies y el casu de la persecución del asturianu n’Asturies llegó a denunciase na sede dela ONU en Nueva York.

El 3r FESTIVAL DE CINE ASTURIANU entama n'Uviéu

El 3r FESTIVAL DE CINE ASTURIANU entama n'Uviéu

El 3r FESTIVAL DE CINE ASTURIANU entama n'Uviéu

El tercer Festival de Cine Asturianu entama’l prósimu día 30 de marzu na ciudá d’Uviéu, un añu más nel escenariu del Teatru Filarmónica hasta’l 4 d’abril del 2007 cuando se fairá la Gala d’entrega de los Fruteros de Cristal, Premios del xuráu del Festival. El Festival de Cine Asturianu concede nesta tercer edición un total de nueve premios: Meyor curtiu n’asturianu y notra llingua, Meyor Actor, Actriz, Guión, Dirección, Documental y Película, amás del Premiu d’Honor. Esti añu concederáse per primer vez el premiu a la meyor película o llargometraxe. Los premios concédelos un xuráu expertu y consisten en dellos Fruteros de Cristal y diplomes en recuerdu de la primer película asturiana, El robu de fruta (1905), de Javier Sánchez Manteola. El 30 de marzu del 2007 fairáse la presentación del 3r Festival de Cine Asturianu a les 6 de la tarde nel salón d’actos del Club de Prensa Asturiana d’Uviéu cola presencia de nominaos a los premios. El llunes 2 d’abril entamará la Gala d’Entamu a les 6 de la tarde nel Teatru Filarmónica cola presentación de los curtiumetraxes finalistes de la Sección Oficial a concursu. El martes 3 d’abril a la mesma hora nel Teatru Filarmónica fairáse la presentación y proyección del documental y de la película ganadores y por último, el miércoles 4 d’abril va facese la Gala de Pieslle cola entrega de premios y homenaxe al productor morciniegu Xuan Gona, Premiu d’Honor del Festival,. L’asistencia a toles gales y presentaciones del Festival ye dafechu gratuíta pa tol públicu.


Juan Gona, Premiu d’Honor del 3r Festival de Cine Asturianu

El productor de cine Juan Gona recibirá’l próximu día 4 d’abril n’Uviéu el Premiu d’Honor del Cine Asturianu que-y concede’l 3r Festival de Cine Asturianu que se fairá nesta ciudá del 30 de marzu al 4 d’abril del 2007. L’escenariu del Teatru Filarmónica de la capital asturiana va ser tamién el marcu onde se-y dedicará un emotivu homenaxe a tola so obra y carrera artístia realizada hasta la actualidá yá que Juan Gona ta trabayando nesti momentu n’abondos proyectos cinematográficos, en tou o en parte siempre relacionaos con Asturies. Juan Martínez Fernández nació en Buslloñe, nel conceyu asturianu de Morcín en 1951 y creó la factoría de cine Producciones Gona col fin de facer non sólo cine d’éxitu comercial sinon tamién d’una alta calidá artística tanto pa les pantalles como pa la televisión. Nesti momentu ye ún de los productores de cine independiente más importantes n’Hespaña y llueu de conseguir abondos éxitos tien la firme intención de que la so tierra asturiana recupere l’antigu esplendor cinematográficu que tuvo n’époques pasaes. Nesti sentíu ye’l promotor de la idea de Primeres Tomes consistente en da-y la oportunidá a los meyores cineastes noveles asturianos de realizar los sos primeros llargometraxes a ser posible rodaos nel marcu incomparable de los escenarios asturianos, emponderaos por tolos cineastes como unos de los meyores pa rodar cine. La película Dama de Porto Pim, rodada dafechu n’Asturies ye otra producción de Juan Gona onde los niveles d’esixencia técnica y artística son evidentes, película na que trabayó  D. Gil Parrondo, Premiu d’Honor d’esti mesmu Festival. Otres exitoses películes de Juan Gona como productor son: Santera (1993), Don Juan (1997), El caballero Don Quijote (2002), El año del diluvio (2003), Vete de mi (2006), Oviedo Express (2007). Actualmente tien en procesu de rodaxe n’Asturies la película “Tesoro mío” cola asturiana Teresa Marcos y “Alegría” con Lucinda Torre. Otres películes  propiedá de Producciones Gona www.gona.es son: Más allá del deseo (1976), Secuestro (1976), Los hijos de (1976), Volvoreta (1976), Esposa de día amante de noche (1977), Doña Perfecta (1977), Estimado señor juez  (1978).  El productor ye la figura esencial del trabayu cinematográficu yá que d´él suel entamar la idea artística, la intención y el fin creativu y el so trabayu non siempre ye abondo valoráu o reconocíu. Como director rodó trés documentales asturianos: en 1985 el documental etnográficu “Los Vaqueiros de Alzada de Asturias” y “Muniellos reserva biológica” nel añu 1982, amás d’otru sobre’l pre-románicu astur nel añu 1979. El llabor que ta faciendo Juan Gona por poner al Cine Asturianu con mayúscules nel llugar que se merez nun tien preciu y esti Premiu d´Honor del Festival de Cine Asturianu esperemos que se sume asina a una llarga riestra de reconocimientos y admiración que´l mundu del cine y la sociedá en xeneral debemos a esti asturianu exemplar.


PROGRAMACIÓN DEL 3r FESTIVAL DE CINE ASTURIANU:

- VIENRES 30 de marzu, Club de Prensa Asturiana d’Uviéu:

18 hores: PRESENTACIÓN DEL 3r FESTIVAL DE CINE ASTURIANU. Nominaos a los Premios. Presentacón de los trailers del Festival.

- LLUNES 2 d’abril, Teatru Filarmónica, Uviéu:

18 hores: GALA D’ENTAMU. Ballets ACHÉ-NONAYA d’Uviéu. Presentación de los curtiumetraxes finalistes de la Sección Oficial a Concursu.

- MARTES 3 d’abril, Teatru Filarmónica, Uviéu:

18 hores: Presentación y proyección del documental Suena’l Camín.

20 hores: Presentación y proyección de la película La noche del escorpión.

22 hores: Sección en Pareyo: Proyección de la película VETE DE MI (Producciones Gona, 2006)

- MIÉRCOLES 4 d’abril, Teatru Filarmónica, Uviéu:

18 hores: GALA DE PIESLLE. Ballet BAIDÁN d’Uviéu. Gala d’entrega de los Fruteros de Cristal, Premios del Festival de Cine Asturianu pa les diferentes categoríes y homenaxe a Juan Gona,  Premiu d’Honor del Cine Asturianu 2007.

Presentación y Proyección de les obres: Los vaqueiros d’alzada d’Asturies (Juan Gona, 1985) y Muniellos reserva biológica (Juan Gona 1982)

entrada llibre a toles sesiones

 --------------------------------------------------------------------------------------------------------------------------------------------------------------------------------------------------------------------

La noche del escorpión acapara les nominaciones

del 3r Festival de Cine Asturianu

La película La noche del escorpión, dirixida por Eva Lesmes atropa ella sola la mayoría de les nominaciones a los premios del 3r Festival de Cine Asturianu que tendrá llugar n’Uviéu del 30 de marzu al 4 d’abril del 2007 nel escenariu del Teatru Filarmónica. La noche del escorpión atropa en conxuntu les nominaciones al Premiu al Meyor Guion, Meyor Actriz (Pilar Rodriguez), Meyor Dirección (Eva Lesmes) y dos nominaciones al Meyor Actor del Festival (Miki Molina y Kike Díaz de Rada) amás del Premiu a la Meyor Película. Producida por Pedro Costa, Igueldo y Barataria nel añu 2002 narra la hestoria d’un crimen irresueltu basáu nunos fechos reales que tuvieron llugar na ciudá de Xixón nos años setenta. La directora xixonesa Eva Lesmes llevó a la pantalla esta película adaptando un guión inspiráu nun llibru del escritor Vicente García Oliva. La segunda obra en númberu de nominaciones ye Ricardo, piezas descatalogadas, de Producciones Imago, dirixida polos asturianos Carlos y Carmen Rico, que opta a cuatro premios del Festival, los premios al Meyor Curtiumetraxe Asturianu notra llingua, Meyor Actriz (Rosario Pardo), Meyor Guion y Meyor Dirección. Cuatro obres opten a trés nominaciones a los premios: Huellas en la nieve, Matar el tiempu, Sístole-Diástole y El último alquimista. Con dos nominaciones tán les obres titulaes: Recuerdos sólidos urbanos y Soleado exterior. Con una sola nominación alcuéntrense les obres siguientes: La colina del cuervu, Último tren a Tahití, Madame Pistolet y Single. Los nominaos al Premiu al Meyor Actor son: Kike Díaz de Rada y Miki Molina por La noche del escorpión; Francisco Vidal y Francisco Racionero por Sístole-Diástole. Les nominaes a la Meyor Actriz son: Rosario Pardo por Ricardo piezas descatalogadas; Pilar Rodríguez por La noche del escorpión, Patricia Cercas por Soleado Exterior y Agripina Menéndez por Matar el tiempu. Los miembros del xuráu oficial d’esti Tercer Festival de Cine Asturianu daránse a conocer el mesmu día de la Gala d’Entamu del día 2 d’abril. La entrega de premios y l’homenaxe al Premiu d’Honor del Cine Asturianu tendrán llugar nel mesmu Teatru Filarmónica a les 6 de la tarde del miércoles 4 d’abril del 2007.

¿Y esta publicidad? Puedes eliminarla si quieres.

AXENCIA DE NOTICIES CPN

AXENCIA DE NOTICIES CPN

Nueva manifestación n’Uviéu pola enseñanza oficial del asturianu  

Más de trés mil persones manifestáronse’l pasáu  sábadu 17 de febreru del 2007 n'Uviéu en rempuesta a la convocatoria entamada poles organizaciones sindicales d'enseñanza CC.OO, FETE-UXT y SUATEA y la Xunta Pola Defensa de la Llingua asturiana, en reivindicación la retirada de la propuesta de decretu pal currículu d'educación primaria presentáu pola Conseyería d'Educación d’Asturies. Un día desagradable no meteorolóxico nun impidió  la reivindicación de la presencia digna del asturianu na enseñanza.  La propuesta orixinal d'Educación supón según la Xunta y los Sindicatos convocantes, convertir na práctica l'asignatura de llingua asturiana nuna optativa, quitándo-y l'estatus de matreria voluntaria que tien actualmente. Esta cuestión tuvo nel noyu de la protesta y centro los lemes de les pancartes de les organizaciones qu'asistieron a la convocatoria. El manifiestu final, lleidu por Esther Fonseca na Plaza la Escandalera, sorrayaba precisamente que "l'accesu al estudiu y conocimientu de la nuesa llingua ye un derechu reconocíu espresamente pola llexislación qu'ha ser respetáu y garantizáu" y facía referencia a como l'asignatura nun ha competir con otres.  Les promeses del titular d'enseñanza, que se comprometió a rectificar el documentu orixinal, nun son abondo pa los sindicatos y la Xunta Pola Defensa de la Llingua Asturiana, que dulden de los términos en que vaya facese la rectificación y piden negociala directamente con Educación, una negociación que los sindicatos van diseñar nuna asamblea que va facese esti xueves 22 a les 18 hores nel Institutu Alfonso II d'Uviéu, xusto'l día enantes d'entrevistase col conseyeru con motivu del final del plazu d'alegaciones y suxerencies a la propuesta d'Educación. El testu final lleidu al final de la manifestación d'ayeri foi especialmente duru nesti sentíu, asegurando que les promeses de Riopedre son "mentira" y que "Más bien pensamos que foron cantos de serena pa evitar que nos movilizáremos". Nel manifiestu final de la protesta d'ayeri pidióse tamién un apueste p'abrir la posibilidá a que la llingua asturiana s'emplegue como llingua vehicular na enseñanza d'otres materies y pa que s'estabilice al profesoráu que la imparte. Asina, el testu lleídu na Plaza la Escandalera d’Uviéu llamentaba que "A ventiún años de la entrada del asturianu na enseñanza tovía nun pue usase como llingua vehicular p'aprender otres materies por más que sea la llingua materna de munchos escolinos" denunciando l'agraviu coles propuestes de creación de centros billingües, de los que "fala cada poco la Conseyería d'Eduación d’Asturies" y nos que "sabemos que nenguna d'eses dos llingües ye l'asturiana".Dende les entidaes convocantes consideren qu'el futuru currículu educativu ha garantizar la non competencia de l'asignatura con otres materies, sean o non curriclares. Los escolinos y escolines que tengan padres o tutores qu'escueyan nun cursar l'asignatura de Llingua Asturiana —o Gallego-Asturianu na zona más occidental— han recibir la debida atención educativa, pa que la escoyeta d'una o otra opción nun suponga discriminación nenguna. Esa atención en nengún casu ha llevar al aprendizaxe de contemos curriculares nin asociaos a cualquier área de la etapa, como asina recueye la Llei d'Usu del Asturianu nel so artículu 10, apartáu 3: "...Pa los que lo escueyan, el so aprendimientu o usu nun podrá torgar que reciban la mesma formación y conocimientos n 'igualdá de condiciones que'l restu l'alumnáu." 


Denuncien un escándalu políticu alrodiu del negociu del CD de Les Noticies y Alvarez Areces  

La denuncia fecha per internet de los estraños negocios realizaos entre’l PSOE cola  adxudiación a deu al grupu Ámbitu-L´Aguañaz y al papel qu’esi grupu xuega a través del so órganu  de propaganda, el selmanariu Les Noticies, nel apaciguamientu de les tensiones manifestaes durante los últimos tiempos ente’ll Gobiernu y los sectores asturianistes que preconizen la oficialidá del asturianu, coles manifestaciones encabezaes pola La Pita de la Xunta Pola Defensa dela LLingua, un personaxe que amoria al presidente, que nel llau escuru de la so personalidá administra con mui mal talante la so conocida ausencia de sentíu del humor, lo que lu lleva a ser mal tomáu ante cualquier crítica o parodia, lo que lu fai conducir darréu a los tribunales a too aquello que-y moleste, inda a riesgu de salir malparau en los mesmos, como  sucedió con esti movimientu y con otros munchos críticos con so xestión, a lo llargo de la so dilatada vida política. Precisamente y como culminación del tratu y de las relaciones entre Ls Noticies-Ämbitu y el Gobiernu, estaba prevista para esta semana la presentación en Mieres de una operación que agrupa a un reducido número de los escritores que pertenecen a la cuadra asturianista del Grupo Bello-Bande-Les Noticies, agrupados por Ana Rosa Migoya en un contenedor oficialista e institucional destinado a sustituir a la Academia de la Llingua Asturiana, en su papel estatutario, para así contar con un grupo afín y propio de "intelectuales asturianistas" del régimen, que hagan de coro político a la Dirección General de Política Llingüística que dirige Ramón d´Andrés, un hombre de IU y Francisco Javier García Valledor, que en este asunto permanece sospechosamente tranquilo, realizando declaraciones de distanciamiento, que revelan su implicación de fondo en una operación que aparentemente es de lo más insultante para su Consejería, que como él mismo declaró, ha sido ninguneada en la operación del disco para emigrantes. En realidad, la FSA el Gobierno de Areces y la cúpula de IU, están trabajando juntos en una operación de gran calado político, que busca a la desesperada la neutralización del asturianismo político de izquierdas, ante la evidencia de las encuestas de las que dispone Ferraz, que colocan al ejecutivo en el alero ante la posibilidad de una victoria electoral del Partido Popular en las elecciones autonómicas, por lo que se podría decir, sin temor alguno a equivocarse, que en las operaciones que se están financiando desde la Consejería de Cultura con editores y escritores hostiles a la Academia de la Lllingua, se trabaja en la desactivación de un proyecto político que se estaba fraguando entre las formaciones minoritarias Andecha Astur e Izquierda Asturiana, cuyo primer objetivo ha sido apartar a esas dos fuerzas extraparlamentarias de su convergencia con Los Verdes de Asturias, encabezados por Joaquín Arce.


La Oficialidá del Asturianu axunta n'Uviéu a unes 12.000 persones


 
La manifestación convocada pola Oficialidá del asturianu el pasáu sábadu 18 de payares del 2006 foi un gran éxitu cívicu. Más de 12 mil persones  axuntáronse esti sábadu  n’Uviéu respondiendo a la convocatoria del Conceyu Abiertu Pola Oficialidá del Asturianu pa reclamar la Oficialidá de la Llingua Asturiana nel Estatutu d’Autonomía d’Asturies. Unes vente bandes de gaites protagonizaron la xornada nuna manifestación nel atapecer carbayón, qu’entamó a les 18  la tarde dende la Estación del Norte pela cai Uría hasta la Plaza Porlier. El Conceyu Abiertu pola Oficialidá convocó’l sábadu a la ciudadanía asturiana baxo'l lema "Na reforma del estatutu l'asturianu llingua oficial" y llogró una importante presencia de manifestantes y ciudadanos que miraben la manifestación inclusu dende balcones y ventanes con bon ánimu. La primera pancarta de la manifestación llevaronla representantes de la sociedá civil asturiana como José Ramón Sariego, de l'Asociación de vecinos de Pumarín, Uviéu; Santi Caleya, músicu; Ana Maria Cano, Decana de la Faculta de Filoloxía y Presidenta de l'Academia de la Llingua; Xosé Nel Riesgo, xeógrafu y miembru de la Fundación Belenos; Celia González, del Coleutivu Muyeres; Fructuoso Pontigo Concha, de la Coordinadora Ecoloxísta; Maria Xesús Rodríguez, escultora, ente otros. La segunda pancarta de la manifestación empobinábenla representantes de los diferentes partíos, tolos sindicatos d'Asturies y organizaciones que componen el Conceyu Abiertu pola Oficialidá, col conseyeru del Partíu Comunista d'Asturies D. Francisco Javier García Valledor,  no cimero de la mesma. Tamién asistió'l sindicalista represaliáu D. Juan Manuel Martínez Morala, acusáu pola maquinaria del psoe y pendiente d'un incomprensible xuiciu. Per delantre  les pancartes del Conceyu Abiertu pola Oficialidá más de vente bandes de gaites astures y 200 gaiteros daben pasu a l'amuesa cívica que percorrió les cais de la capital del País asturianu esixendo los sos derechos llingüísticos como se vien faciendo dende hai trenta años yá. La manifestación concluyó na Plaza Porlier, cerca la Plaza d'Alfonsu II cola intervención na que se lleó un comunicáu nel que s'atacó duramente a l'actual nomenclatura del psoe, en nome de les 170 organizaciones que componen el CAO, pa dar pasu a un conciertu final. Esta nueva manifestación pola Oficialidá del Asturianu, que suel facese cada seis meses n'Uviéu, taba sofitada por unes 200 empreses de tou tipu y con motivu d'ello los coordinadores del eventu publicaron un llibru coles reivindicaciones y con anuncios de toles empreses qu'apoyaron económicamente la manifestación.  La reivindicación terminó na Plaza Porlier con conciertu final nel que tocaron Santi Caleya, les Pandereteres de Llanes, Carlos Rubiera y Los Gatos del Fornu que dieron gratis un bon espectáculu cultural y reivindicativu pa tol públicu asistente. Sólo'l diariu xixonés El Comercio destacó la noticia en portada con una gran semeya, dexando n'evidencia la censura informativa de los otros periódicos. Les cadenes locales de televisión tamién dieron la noticia como importante, una vegada más, pola oficialidá de la llingua asturiana.  


 L’Axencia cpn solidarízase colos trabayadores de Caxastur  

 L’AXENCIA CPN   quier mostrar el so apoyu mediante’l presente comunicáu a los trabayadores de Caxastur encerraos nel Centru de Pensionistes “San Xosé” de la Plaza de la Catedral d’Uviéu. Axuntaos n’Asamblea Permanente dende’l día unu de febreru, pese a que Dirección-yos cortó l’agua y la lluz, amás d’impedir l’accesu de los usuarios a les instalaciones, obligándolos a utilizar una cuerda pela ventana pa aprovisionase d’agua y comida. Solidarizámonos cola plantilla de Caxastur y coles sos reivindicaciones: La readmisión de Marco, el sindicalista despedíu poles crítiques a la xestión de Menéndez. La reposición nos puestos de tolos directores y subdirectores d’oficina represaliaos por secundar les xornaes de fuelga de los díes 29 d’avientu y 5 de xineru. L’entamu de negociaciones pa iguar los principales problemes que motivaron el conflictu, como son la convocatoria d’una oposición pública pa crear empléu estable n’ Astureas, la regulación d’un sistema de xubilación con contratu relevu, y un cambiu de raigañu na política de Recursos Humanos de  Caxastur. Tamién demanden una xestión empobinada a los fines sociales que tienen que primar  nuna empresa asturiana d’estes característiques y que beneficie al conxuntu de la Sociedá Asturiana, en llugar del sistema actual que respuende sólo a intereses ayenos a los de los asturianos y asturianes. L’AXENCIA CPN apoya con esti comunicáu la campaña POR UNA CAXA D’AFORROS DE TOLOS ASTURIANOS. 


Denuncien l’escándalu políticu alrodiu la TPA 

Cada vez son más instancies les que denuncien el continu escándalu políticu que supón la puesta en furrulamientu de la televisión pública d’Asturies TPA que según l’estatutu asturianu tien la obligación de fomentar la llingua asturiana, esto ye, usala nes sos emisiones. La Televisión del Principáu d’Asturies o más conocida por TeleTini ya tá furrulando. Anque tienen dellos problemes técnicos, la inesperiencia de  la plantiya ye una muria importante, la curtia programación, la manipulación y corrupción nes pruebes d’accesu, l’usu de comisarios políticos pa montala, la falta d’idegues, el boicot a la llingua asturiana…. La llingua d’Asturies nun esiste yá que los plantegamientos del Gobiernu asturianu son que lo d’Asturies nun vende. Dellos colectivos denuncien que nos informativos falen más de coses que pocu tienen que ver col nuesu país y cuando falen d’equí ye namás pa facer ecu de los “ésitos” del gobiernu socialista. Anque la publicidá del ente públicu diz que la TPA ye’l reflexu d’esti país la realidá ye mui distinta: la televisión autonómica ye reflexu del caciquismu y de la rede clientelar del presidente socialista Vicente Alberto Álvarez Areces.La TPA o la tele al serviciu d’Areces y el PSOE ye un insultu a la propia Democracia. La práctica diaria de boicotiar absolutamente tolo relacionao cola identidá d’Asturies y col sentir d’esti país solo vien esplicao pol oxetivu real del ente de ser serviciu esclusivu de los intereses del PSOE. Eso sí, un ente públicu al serviciu personal del presidente pero financiáu colos presupuestos de tolos contribuyentes. Dende’l primer momentu los ecoloxistes y asturianistes denunciaron la manipulación informativa y la falta de tresparencia del proyectu de radiotelevisión del Gobiernu de la izquierda plural. Les idegues del executivu asturianu formáu pol PSOE y IU-BA solo pueden traer esperpentos como un Conseyu d’Alministración de la TPA integráu por comisarios políticos y non por espertos en comunicación, con un equipu profesional compuestu por persones de fuera d’Asturies y que nun conocen la realidá del país, con unes plantiyes llaborales escoyíes por amiguismos y por afiliaciones polítiques y non por criterios profesionales y por una programación onde la Llingua Asturiana tien un vetu tácitu que marxina otra vegada más los derechos llingüísticos de les asturianes y los asturianos. Asina la TPA ye un esponente clarísimu de persones de l’Alministración    Pública al serviciu d’Areces y de la FSA. 


 Acusen a la TPA de burllase de los asturianos 

La nueva televisión pública TPA, controlada pol goviernu asturianu, nun dexa de recibir constantes acusaciones y quexes de telespectadores y asociaciones sobre les abondes faltes de respetu a los asturianos y asturianes que s’amuesen nos sos programes, en forma de chancies de mal gustu, burlles y desprecios a la llingua asturiana, a la cultura d’Asturies y a la toponimia asturiana que suelen vese n’espacios d’esta cadena pública. Les continues espresiones, comentarios o supuestos chistes de presentadores y reporteros llegaron a pasar de bromes de mal gustu a considerase serios insultos a los elementos identificadores de la nacionalidá asturiana como son la llingua propia, la cultura propia y la toponimia asturiana, actitú que llegó a ofender a abondos ciudadanos hasta tal nivel que llevó a facer denuncies ante los mesmos muérganos oficiales de la mentada televisión gubernamental TPA. Abondos contrataos por esti canal proceden de Madrid y d’otres partes d’Hespaña polo que la desconocencia de la llingua y la cultura astures nun-yos da derechu a reíse, burllase o chanciase d’ella yá qu’ello forma parte del patrimoniu de tolos asturianos y asturianes, y que si pa elllos dellos comentarios suelen paece-yos “prestosos” pa la mayoría de los ciudadanos d’Asturies nun lo ye o llega ser yá cafiante ya insultante. Ente los comentarios y chancies de mal gustu emitíos pola canal TPA, vióse por exemplu cómo dellos reporteros facíen burlla de topónimos y nomes de llugar d’Asturies qu’intentaben facer broma camudando delles lletres de los mesmos pola lletra U. Otros comentarios de la TPA lliteralmente reíense de La Foz de Morcín cola chancia de “cómo puede alguien vivir en un lugar con este nombre?” dicho too ello en castellanu. Hai que recordar que la llingua asturiana sigue prohibida en TPA por órdenes polítiques del presidente asturianu Álvarez Areces que nomó prácticamente a deu al director xeneral del ente públicu, Pérez Ornia qu’entamó la so carrera profesional en Cangas como sacerdote católicu. Los defensores de los espectadores recomienden que cuando sientan dalgún comentariu, xirigoncia o noticia que faiga otra vegada burlla o menospreciu de la llingua y cultura de los asturianos y asturianes que faigan por llamar y echa-y les culpes de les ofenses a los responsables asturianos de los programes en custión ya inclusu que culpen de too ello al director xeneral Pérez Ornia, llamando directamente a los estudios de Xixón a través del teléfonu de la cadena pública que ye 985185900 meyor que per emails.  


La noche del escorpión acapara les nominacionesdel 3r Festival de Cine Asturianu  

La película La noche del escorpión, dirixida por Eva Lesmes atropa ella sola la mayoría de les nominaciones a los premios del 3r Festival de Cine Asturianu que tendrá llugar n’Uviéu del 30 de marzu al 4 d’abril del 2007 nel escenariu del Teatru Filarmónica. La noche del escorpión atropa en conxuntu les nominaciones al Premiu al Meyor Guion, Meyor Actriz (Pilar Rodriguez), Meyor Dirección (Eva Lesmes) y dos nominaciones al Meyor Actor del Festival (Miki Molina y Kike Díaz de Rada) amás del Premiu a la Meyor Película. Producida por Pedro Costa, Igueldo y Barataria nel añu 2002 narra la hestoria d’un crimen irresueltu basáu nunos fechos reales que tuvieron llugar na ciudá de Xixón nos años setenta. La directora xixonesa Eva Lesmes llevó a la pantalla esta película adaptando un guión inspiráu nun llibru del escritor Vicente García Oliva.   La segunda obra en númberu de nominaciones ye Ricardo, piezas descatalogadas, de Producciones Imago, dirixida polos asturianos Carlos y Carmen Rico, que opta a cuatro premios del Festival, los premios al Meyor Curtiumetraxe Asturianu notra llingua, Meyor Actriz (Rosario Pardo), Meyor Guion y Meyor Dirección.   Cuatro obres opten a trés nominaciones a los premios: Huellas en la nieve, Matar el tiempu, Sístole-Diástole y El último alquimista.   Con dos nominaciones tán les obres titulaes: Recuerdos sólidos urbanos y Soleado exterior.   Con una sola nominación alcuéntrense les obres siguientes: La colina del cuervu, Último tren a Tahití, Madame Pistolet y Single.Los nominaos al Premiu al Meyor Actor son: Kike Díaz de Prada y Miki Molina por La noche del escorpión; Francisco Vidal y Francisco Racionero por Sístole-Diástole.Les nominaes a la Meyor Actriz son: Rosario Pardo por Ricardo piezas descatalogadas; Pilar Rodríguez por La noche del escorpión, Patricia Cercas por Soleado Exterior y Agripina Menéndez por Matar el tiempu.Los miembros del xuráu oficial d’esti Tercer Festival de Cine Asturianu daránse a conocer el mesmu día de la Gala d’Entamu del día 2 d’abril. Cualquier miembru del xuráu podrá axuntar nueves nominaciones a les presentaes pol Festival. La entrega de premios y l’homenaxe al Premiu d’Honor del Cine Asturianu tendrán llugar nel mesmu Teatru Filarmónica la tarde del miércoles 4 d’abril del 2007.  


 El 3r Festival de Cine Asturianu fairáse n’Uviéu  

El tercer Festival de Cine Asturianu tendrá llugar un añu más nel escenariu del Teatru Filarmónica de la ciudá d’Uviéu del 30 de marzu al 4 d’abril del 2007. El Festival de Cine Asturianu concede nesta tercer edición un total de nueve premios: Meyor curtiu n’asturianu y notra llingua, Meyor Actor, Actriz, Guión, Dirección, Documental y Película, amás del Premiu d’Honor. Esti añu concederáse per primer vez el premiu a la meyor película o llargometraxe. Los premios concédelos un xuráu expertu y consisten en dellos Fruteros de Cristal y diplomes en recuerdu de la primer película asturiana, El robu de fruta (1905), de Javier Sánchez Manteola. El 30 de marzu del 2007 fairáse la presentación del 3r Festival de Cine Asturianu a les 6 de la tarde nel salón d’actos del Club de Prensa Asturiana d’Uviéu cola presencia de nominaos a los premios. El llunes 2 d’abril entamará la Gala d’Apertura a les 6 de la tarde nel Teatru Filarmónica cola presentación de los curtiumetraxes finalistes de la Sección Oficial a concursu. El martes 3 d’abril a la mesma hora nel Teatru Filarmónica fairáse la presentación y proyección del documental y de la película ganadores y por último, el miércoles 4 d’abril va facese la Gala de Pieslle cola entrega de premios y homenaxe al Premiu d’Honor del Festival, premiu qu’inda nun se dio a conocer. L’asistencia a toles gales y presentaciones del Festival ye dafechu gratuíta pa tol públicu.    

http://www.quediario.com/blogs/608/ 


Denuncien una vegada más los ataques del PSOE a la llingua asturiana  

Pese a que la Llei d’Usu y Promoción del Asturianu ye un documentu en vigor, les persones que falen asturianu nun pueden dirixise nesti idioma a l’administración por falta de documentos y formularios o, simplemente, pol rechazu d’algún de los funcionarios que tienen qu’admitilos a trámite. La denuncia  facíenla ayeri el coordinador de Izquierda Xunida n’Asturies, Jesús Iglesias, y la conceyala d’Educación y Cultura en Xixón, Carmen Rúa. Los documentos facilitaos pa la realización de los diferentes trámites tán, recuerden, sólo en versión castellana. Si se cumplimenten n’asturianu, la so aprobación dependerá de la simpatía que’l funcionariu que los recueye-y tenga a la llingua. "La ciudadanía tien derechos", espetaben ayeri a los responsables del grupu municipal socialista en Xixón. Amás, la coalición advierte al PSOE que curiará l’aplicación de la toponimia, d’obligadu cumplimientu tres la suo recien aprobación. Neste sentíu, dende Izquierda Unida  demanden acuerdos cola administración del Estáu hespañol que faciliten la modificación de los rótulos dependientes del Ministeriu d’Infraestructures. IU emplazaba ayeri al PSOE a solucionar les cuestiones que queden por cumplir nel pactu de gobiernu antes  que finalice la lexislatura. Pela so  parte, Carmen Rúa adelantaba que, énte la posibilidá d’una hipotética revisión del pactu pa les elecciones del próximu añu, "va  ser abondo más fuerte que l’actual ya incluirá más esixencies". Ente les materies d’obligáu cumplimientu pa futuros acuerdos, la conceyala de IU-BA apunta les ordenanzes municipales del asturianu, bloqueaas tres la so  redacción, a entamos del añu pasáu, pol rechazu de l’alcaldesa socialista Paz Fernández. Los responsables d’Izquierda Unida llamentaean que, dende’l Partíu Socialista, "cuando alguien  queda ensin argumentos fale d’obligatoriedá". Recuerden que’l respetu a los derechos de los asturfalantes en cuanto a presentación de documentos y relaciones cola administración nun implica pa nada la obligatoriedá de la llingua asturiana. Rúa entiende amás que’l conceyu xixonés “tá quedando atrás na defensa del patrimoniu asturianu", añadía. "La llínia municipal del psoe nun va na defensa de la llingua asturiana". El coordinador de IU n’Asturies, Jesús Iglesias, considera que les torgues polítiques pa la utilización del asturianu na vida cotidiana son consecuencia directa del rechazu frontal por parte d’amplios sectores del PSOE. Según asegura, esti colectivu de la Federación Socialista "ve l’asturianu como un problema, y non como una bayura cultural". Iglesias acusó amás a la Radiotelevisión pública del Principáu d’Asturies de "afogar cualquier representación del asturianu". Según manifestó, el fechu  podía contatase al comprobar que l’ente públicu foi la única cadena asturiana de televisión que nun tuvo na rueda de prensa convocada ayeri pa denunciar los ataques del psoe a la llingua de los asturianos. 


La prohibición d’emitir en llingua asturiana fai que los asturianos boicoteen la TPA 

El nuevu canal de televisión asturianu TPA nun para de recibir ataques y  males noticies llueu de la so llarga puesta en furrulamientu. Lo que per vente años consideróse polos políticos del psoe como un derroche de dineru agora vese como un instrumentu políticu p’algamar el poder, pero a costa d’un descomanáu despilfarru de medios y nulos resultaos d’audiencia que nun algamen nin al dos por cientu de l’audiencia asturiana. Les causes d’esti desinterés pol canal astur hai que buscales yá dende un entamu nos escándalos surdíos na contratación del personal, nel nomamientu de los sos altos cargos vinculaos al círculu del presidente Areces, la nula esperiencia profesional del so director Pérez Ornia (un antigu sacerdote apuntáu a la nueva órbita de los cargos del psoe), la probibición de la llingua asturiana dende’l comienzu de la puesta en marcha de la canal, la incompetencia llingüística del so personal y reporteros, munchos d’ellos non-asturianos, y enfin resultáu d’ello ye un boicó de los asturianos al nuevu canal públicu y un constante ataque destructivu por parte de los asturianos más defensores de la llingua asturiana que ven cómo los políticos y los periodistes a les sos órdenes vulneren con despreciu’l propiu Estatutu d’autonomía asturianu qu’obliga a los medios de comunicación a emitir en bable. Dos de cada trés asturianos apoyen la oficialidá del asturianu y el distanciamientu ente lo que quier el pueblu y lo que quieren los políticos ye cada vez mayor, nesti casu según toles encuestes el Pueblu Asturianu desaría un canal públicu qu’emitiera básicamente en llingua asturiana según diz l’Estatutu. El canal TPA boicotea y marxina la llingua asturiana por siguir órdenes polítiques y llueu d’ello, los ciudadanos asturianos y asturianes deciden marxinar al canal TPA de les sos vides condergándolu a un vergoñosu 1% d’audiencia.   


Boicoteen los premios oficiales n’asturianu hasta que la llingua seya oficial  

Escritores asturianos y persones vinculaes cola reivindicacion llinguistica coinciden en caltener un seriu boicot d’escritores n'asturianu a los premios oficiales en llingua asturiana qu'añalmente convoca oficialmente el Goviernu Autónomu Asturianu, debío a la falta d'una politica de normalización minima cuando non por causa d'una serie d'ataques contra la llingua asturiana perpetraos de contino pol propiu goviernu y polos ámbitos oficiales de l'alministracion asturiana presidida anguañu pol socialista Vicente Alberto Alvarez Areces. La idea nun ye nueva y va años que dellos escritores boicoteen los premios oficiales renunciando a presentar obres mentantu la llingua nun obtenga la consideracion d'oficial pol propiu goviernu que vergoñosamente convoca unos premios oficiales, premios que se consideren dafechu desprestixaos por esti motivu, y a los sos ganadores unos cómplices políticos d’una polìtica antiasturiana. Los premios oficiales convócalos el goviernu asturianu pa una llingua qu'oficialmente nun reconoz y qu'oficialmente agrede de contino n'Asturies. Dalgunos escritores coinciden en señalar qu’estos premios oficiales nun són más qu’un llaváu de cara políticu del psoe que concede dineru a cambiu  de silencios y pesebrismos políticos. “Ye como si los nazis convocaren unos premios pa la lliteratura xudía, pa xustificar y tapecer la so política etnocida y esto ye esactamente lo que ta pasando na Asturies del psoe nel añu 2006”, señala un garrapiellu d’escritores entrevistaos. Esos premios oficiales son el premiu Xosefa Xovellanos de novela, Xuan Maria Acebal de poesia y Maximo Fuertes Acevedo d'ensayu en llingua asturiana que cada vegada tan mas desprestixaos pola accion negativa del goviernu asturianu y pol fechu de que nos sos xuraos siempre hai persones vinculaes directamente a los partios psoe y pp que nun reconocen precisamente y ñeguen la reconocencia del asturianu como llingua oficial n'Asturies y nel Estau Español. Les bases de los premios vienen siemrpe redactaes en billingue (castellanu y asturianu por duplicau) cuando pa estes convocatories oficiales de premios nun s'almiten obres en castellanu, pola contra cuando oficialmente s'almiten obres n'asturianu, les bases oficiales solo vienen redactaes en castellanu. La politica d'agresiones contra la llingua asturiana perpetrada pol actual goviernu socialista d'Alvarez Areces, materializao na prohibición del asturianu na nueva televisión guvernamental TPA,  ye interminable y tien agotao la paciencia d'instituciones, partios y colectivos de defensa de la llingua, asina l'Academia de la Llingua Asturiana  publicó un informe ampliu sobre la represion llinguistica n'Asturies y la non reconocencia de los drechos llinguisticos n'Asturies y el casu de la persecución del asturianu n’Asturies llegó a denunciase na sede dela ONU en Nueva York. 


El sindicatu SUATEA acusa al PSOE de violar derechos fundamentales n’Asturies 

El sindicatu asturianu SUATEA, ún de los más importantes na estaya educativa,  espublizó un comunicáu oficial nel qu’acusa nuevamente al PSOE de violar derechos fundamentales n’Asturies en materia llingüística. Según el documentu de SUATEA, el PSOE d’anguañu sigue una estratexa d’atacar la oficialidá de la llingua asturiana, ancláu na so posición ríxida d’imponer n’Asturies sólo la llingua castiellana propia d´otros gobiernos predemocráticos. La FSA que nun tien argumentos puesto que nun sabe más que meter mieu con una supuesta obligatoriedá d´adeprender asturianu como si l´exerciciu d´un derechu fundamental a la propia llingua significara que toos lo tuvieren qu´adeprender. El PSOE ta ñegándo a los ciudadanos asturianos un derechu fundamental recoyíu na Constitución hespañola. La Constitución ye bien clara cuando diz nel so artículu 3 que toles demás llingües del estáu sedrán oficiales nes sos respeutives comunidaes. Esto que paez asumío ya en toa Hespaña , tien equí una resistencia numantina por parte de la FSA y del PP (éstos últimos ,de manera más ambigua, tamién tan entamando a asomar la so posición contraria a la Oficialidá). SUATEA esixe que se reconoza un derechu a la Oficialidá de la Llingua Asturiana recoyíu tanto na Declación Universal de Derechos Humanos, como na Constitución hespañola. Trátase d´un derechu fundamental que n´Asturies nun ta reconocíu y al que´l Pueblu Asturianu tien derechu. La llingua asturiana ye una de les llingües en peligru d´extinción según la UNESCO y ye responsabilidá de los nuesos gobernantes garantizar la so supervivencia, cosa que namás se garantiza cola Oficialidá y con posteriores midíes pa desendolcala. Ante la reforma l´Estatutu asturianu nun cabe más que la reconocencia por fin d´un derechu fundamental a la Oficialidá de la Llingua Asturina . Si nun fuera asina quedaría de nuevo zarráu en falsu y sedremos munchos y munches asturianos y asturianes los que nun mos sentiremos reconocíos nel mesmu.


Anabel Santiago, Premiu CPN a la Meyor canción n'asturianu del 2005


Anabel Santiago entamó cantar como profesional a los 14 años pero siempre recuerda cantar dende nena sintiendo les canciones de so güela. Durante 10 años foi ganando tolos concursos d'asturianada, esti vie
yu y fuerte estilu musical tán identificáu cola cultura asturiana y cola asturianidá. Nun entamu sólo la cantaben homes pero nel sieglu XX abondes muyeres y homes ficieron de l'asturianada un xeneru musical únicu nel mundu. Dende'l so primer discu "Al son de la lluna" Anabel Santiago yá fizo por renovar la tonada asturiana adaptándola al nuevu tiempu, a les nueves sonoridaes y esperimentando con éxitu con un xéneru tán tradicional que se ñegaba inclusu a la so propia evolución y desenrollu. Les abondes grabaciones permiten yá que l'asturianada tradicional nun se pierda y que pasín a pasu, la tonada asturiana garre'l so propiu camín musical camudándose nun xéneru que se refai a sigo mesmu y que nél mesmu s'inspira, evoluciona y algama nuevos y mayores mercaos y públicos. Nel so caberu discu Anabel Santiago fai una apuesta clara pola evolución de l'asturianada, axuntando la so perguapa voz con magníficos arreglos al pianu de Jacobo de Miguel averaos al estilu del jazz, y al xeitu de los lieder románticos alemanes y faciendo amás un homenaxe a una de les cantantes clásiques de l'asturianada como ye Diamantina Rodríguez y los sos tradicionales temes. Tradición y modernidá, veteranía y mocedá son los ingredientes d'esti canciu númberu cuatru del discu, Añada amorosa, Premiu CPN a la Meyor Canción n'Asturianu del 2005, que marca'l camín a siguir pa facer de l'asturianada una música n'asturianu y universal. El compromisu d'Anabel Santiago cola llingua asturiana y cola so oficialidá ye del cien por cien y siempre lu manifiesta asina nes sos entrevistes nos medios de comunicación. Norabuena, Anabel Santiago. Queixúmenes de la braña (Brenga Astur), La semeya (Avientu), La xana (Corquiéu), L'emigrante (La col.lá Propinde), Andolina (Tejedor), Ná me prestaría más (Pedro Pereira)  son los cancios ganadores dende 1999 hasta agora, resultáu de votaciones per Internet, añu nel qu’entamaron los Premios CPN. El Conseyu pola Normalización quier asina con esti premiu pioneru afalar a tolos músicos asturianos a qu'empleguen la llingua asturiana nes sos composiciones y da-y por ello mayor difusión y presencia social nos medios de comunicación.  


RADIOTELEVISIÓN DE LA REPÚBLICA DE DEVA

RTVD   

pa ver tola programación calcái nes páxines siguientes: 

http://www.youtube.com/profile_video_blog?user=RADIOTVdeDEVA&page=1 

http://www.youtube.com/profile_video_blog?user=RADIOTVdeDEVA&page=2

http://www.youtube.com/profile_video_blog?user=RADIOTVdeDEVA&page=3 

http://www.youtube.com/profile_video_blog?user=RADIOTVdeDEVA&page=4

http://www.youtube.com/profile_video_blog?user=RADIOTVdeDEVA&page=5

http://www.youtube.com/profile_video_blog?user=RADIOTVdeDEVA&page=6

http://www.youtube.com/profile_video_blog?user=RADIOTVdeDEVA&page=7  

http://www.youtube.com/profile_video_blog?user=RADIOTVdeDEVA&page=8

http://www.youtube.com/profile_video_blog?user=RADIOTVdeDEVA&page=9   

http://www.youtube.com/profile_video_blog?user=RADIOTVdeDEVA&page=10

http://www.youtube.com/profile_video_blog?user=RADIOTVdeDEVA&page=11

http://www.youtube.com/profile_video_blog?user=RADIOTVdeDEVA&page=12

http://www.youtube.com/profile_video_blog?user=RADIOTVdeDEVA&page=13

http://www.youtube.com/profile_video_blog?user=RADIOTVdeDEVA&page=14

http://www.youtube.com/profile_video_blog?user=RADIOTVdeDEVA&page=15

http://www.youtube.com/profile_video_blog?user=RADIOTVdeDEVA&page=16

http://www.youtube.com/profile_video_blog?user=RADIOTVdeDEVA&page=17

http://www.youtube.com/profile_video_blog?user=RADIOTVdeDEVA&page=18

http://www.youtube.com/profile_video_blog?user=RADIOTVdeDEVA&page=19

http://www.youtube.com/profile_video_blog?user=RADIOTVdeDEVA&page=20

http://www.youtube.com/profile_video_blog?user=RADIOTVdeDEVA&page=21

http://www.youtube.com/profile_video_blog?user=RADIOTVdeDEVA&page=22

http://www.youtube.com/profile_video_blog?user=RADIOTVdeDEVA&page=23

http://www.youtube.com/profile_video_blog?user=RADIOTVdeDEVA&page=24

http://www.youtube.com/profile_video_blog?user=RADIOTVdeDEVA&page=25

http://www.youtube.com/profile_video_blog?user=RADIOTVdeDEVA&page=26 

http://www.youtube.com/profile_video_blog?user=RADIOTVdeDEVA&page=27   

http://www.youtube.com/profile_video_blog?user=RADIOTVdeDEVA&page=28   

http://www.youtube.com/profile_video_blog?user=RADIOTVdeDEVA&page=29  

http://www.youtube.com/profile_video_blog?user=RADIOTVdeDEVA&page=30  

http://www.youtube.com/profile_video_blog?user=RADIOTVdeDEVA&page=31  

http://www.youtube.com/profile_video_blog?user=RADIOTVdeDEVA&page=32

http://www.youtube.com/profile_video_blog?user=RADIOTVdeDEVA&page=33  

http://www.youtube.com/profile_video_blog?user=RADIOTVdeDEVA&page=34  

http://www.youtube.com/profile_video_blog?user=RADIOTVdeDEVA&page=35  

http://www.youtube.com/profile_video_blog?user=RADIOTVdeDEVA&page=36  

http://www.youtube.com/profile_video_blog?user=RADIOTVdeDEVA&page=37  

http://www.youtube.com/profile_video_blog?user=RADIOTVdeDEVA&page=38   

http://www.youtube.com/profile_video_blog?user=RADIOTVdeDEVA&page=39   

http://www.youtube.com/profile_video_blog?user=RADIOTVdeDEVA&page=40 

     http://rtvd.blogia.com/ 

RTVD    republica-deva@mixmail.com  

AXENCIACPN.blogia.com

Más de 25.000 ciudadanos manifestáronse en Madrid pola República


El pasáu 6 d'avientu del 2006 una multitudinaria manifestación a la qu'asistieron más de 25.000 persones percorrió la madrileña cai d'Alcalá pa reclamar la reinstauración de la república suprimida de fechu en 1939 n'Hespaña. Un rei designáu por Franco, una bandera mutilada pol fascismu y una Constitución represiva impuesta pola oligarquía a los pueblos del Estáu hespañol ye'l saldu de la supuesta transición que, tres el Pactu de la Moncloa, garantizó la continuidá del réxime anterior. Los sucesivos Gobiernos seudodemocráticos, a la vez que ñegaben el derechu d'autodeterminación de los pueblos pa una supuesta “xunidá d'Hespaña”, violaron dafechu'l principiu d'independencia estatal cola so sumisión a la política d'expoliu y exterminiu del imperialismu. Anque'l nuevu Gobiernu nun podía dexar de cumplir la promesa que-y dio la victoria electoral -la retirada les tropes d'Iraq-, apresuráronse a compensar la maniobra populista col refuerzu del continxente n'Afganistán, xunto cola permanencia na OTAN, confirmen la incondicional sumisión a Washington. En cuantes a la política interior, el paru, el trabayu precariu, la especulación inmobiliaria, los escalofriantes índices de siniestralidá llaboral, el deterioru de los servicios públicos y el recorte de llibertaes dan la verdadera medida de la nuesa supuesta democracia. Tres un cuartu de sieglo de farsa parlamentaria, resulta más evidente que nunca que nun ye posible avanzar ensin acometer al mesmu tiempu la xera de superar un réxime monárquicu que, a lo llargo de toos estos años, demostró ser la principal torga pa romper dafechu col franquismu. la oficialidá asinamesmo de la llingua asturiana ye una asignatura pendiente que la III República hespañola solucionará dafechu pa consiguir que la igualdá de derechos seya una ferramienta efectiva en toles tierres y pa tolos ciudadanos de la República. Ello equival a que toles llingua de la República sedrán por igual consideraes como oficiales a efectos llegales y de normalización social y educativa.

 





 

La Oficialidá del Asturianu axunta n'Uviéu a unes 12.000 persones


La manifestación convocada pola Oficialidá del asturianu el pasáu sábadu 18 de payares del 2006 foi un gran éxitu cívicu. Más de 12 mil persones axuntáronse esti sábadu n’Uviéu respondiendo a la convocatoria del Conceyu Abiertu Pola Oficialidá del Asturianu pa reclamar la Oficialidá de la Llingua Asturiana nel Estatutu d’Autonomía d’Asturies. Unes vente bandes de gaites protagonizaron la xornada nuna manifestación nel atapecer carbayón, qu’entamó a les 18 la tarde dende la Estación del Norte pela cai Uría hasta la Plaza Porlier. El Conceyu Abiertu pola Oficialidá convocó’l sábadu a la ciudadanía asturiana baxo'l lema "Na reforma del estatutu l'asturianu llingua oficial" y llogró una importante presencia de manifestantes y ciudadanos que miraben la manifestación inclusu dende balcones y ventanes con bon ánimu. La primera pancarta de la manifestación llevaronla representantes de la sociedá civil asturiana como José Ramón Sariego, de l'Asociación de vecinos de Pumarín, Uviéu; Santi Caleya, músicu; Ana Maria Cano, Decana de la Faculta de Filoloxía y Presidenta de l'Academia de la Llingua; Xosé Nel Riesgo, xeógrafu y miembru de la Fundación Belenos; Celia González, del Coleutivu Muyeres; Fructuoso Pontigo Concha, Coordinadora Ecoloxísta; Maria Xesús Rodríguez, escultora, ente otros. La segunda pancarta de la manifestación empobinábenla representantes de los diferentes partíos, tolos sindicatos d'Asturies y organizaciones que componen el Conceyu Abiertu pola Oficialidá, col conseyeru del Partíu Comunista d'Asturies D. Francisco Javier García Valledor, no cimero de la mesma. Tamién asistió'l sindicalista represaliáu D. Juan Manuel Martínez Morala, acusáu pola maquinaria del psoe y pendiente d'un incomprensible xuiciu. Per delantre les pancartes del Conceyu Abiertu pola Oficialidá más de vente bandes de gaites astures y 200 gaiteros daben pasu a l'amuesa cívica que percorrió les cais de la capital del País asturianu esixendo los sos derechos llingüísticos como se vien faciendo dende hai trenta años yá. La manifestación concluyó na Plaza Porlier, cerca la Plaza d'Alfonsu II cola intervención na que se lleó un comunicáu nel que s'atacó duramente a l'actual nomenclatura del psoe, en nome de les 170 organizaciones que componen el CAO, pa dar pasu a un conciertu final. Esta nueva manifestación pola Oficialidá del Asturianu, que suel facese cada seis meses n'Uviéu, taba sofitada por unes 200 empreses de tou tipu y con motivu d'ello los coordinadores del eventu publicaron un llibru coles reivindicaciones y con anuncios de toles empreses qu'apoyaron económicamente la manifestación. La reivindicación terminó na Plaza Porlier con conciertu final nel que tocaron Santi Caleya, les Pandereteres de Llanes, Carlos Rubiera y Los Gatos del Fornu que dieron gratis un bon espectáculu cultural y reivindicativu pa tol públicu asistente. Sólo'l diariu xixonés El Comercio destacó la noticia en portada con una gran semeya, dexando n'evidencia la censura informativa de los otros periódicos. Les cadenes locales de televisión tamién dieron la noticia como importante, una vegada más, pola oficialidá de la llingua asturiana.




El Conceyu de l'AIDLCM denuncia al Gobiernu Asturianu

El Conceyu d'Alministración de l'Asociación Internacional pa la Defensa de les Llingües y Cultures Menaciaes (AIDLCM) aconceyó en Marsella (Francia) la fin de selmana pasada y estudió'l conflictu llingúísticu asturianu. El Conseyu d'Alministración de l'Asociación Internacional considerando que "La voluntá d'una gran mayoría del pueblu asturianu que, depués d'años, reclamen el respetu de derechos de los asturiano-falantes", asina como la cercanía de la reforma estatutaria, demanda al Presidente del Principáu d'Asturies la oficialidá de la llingua asturiana, porque "solamente cola oficialidá l'asturianu podrá sobrevivir" dafechu y recuperar prestixu social. Les demandes que-y faen, dende l'AIDLCM, al presidente asturianu son: Respetar los derechos llingüísticos de los asturianu-falantes proclamando na próxima reforma del Estatutu la oficialidá de la llingua asturiana nel territoriu d'Asturies, porque sólo cola oficialidá l'asturianu puede sobrevivir. Garantizar l'enseñu de la llingua asturiana en tolos níveles, dende la escuela primaria hasta la Universidá. Abrir les midíes afayadices pa garantizar la presencia eficaz y apropiada del asturianu na sociedá asturiana como llingua viva. El Conceyu internacional de l'AIDLCM quier denunciar con ello la situación de marxinación y persecuación del asturianu como consecuencia de la política negativa hacia la llingua del actual goviernu asturianu.




Uviéu manifestóse contra'l facismu

El pasáu llunes 20 de payares tuvo llugar n'Uviéu una concentración-manifestación contra'l facismu hespañol na Plaza d'Hespaña énte la delegación del goviernu hespañol n'Asturies. L'actu tuvo convocáu por un garrapiellu d'asociaciones moces de recién creación y asturianistes onde se fizo llectura d'un comunicáu n'asturianu contra les agresiones facistes y a favor de les llibertaes. El comunicau de BAF Asturies fai mención a la resolución xudicial sobre´l casu de Roger Albert: " (...)Estes sentencies son muestres de la complicida policial gubernamental y xudicial coles que cuenten el facismu nel estau hespañol. / Esta complicida ye consecuencia directa de la transicion a la democracia que los facistes deseyaron, ensin pagar nengun preciu politicu y ensin depuralos de los sos puestos tanto nes fuerzes militares, xudiciales y policiales. Quédanos un camín frente a las agresiones facistes, el de la autodefensa. Son abondos crimenes impunes pa la so xusticia, pero non pa la nuestra." Los manifestantes glayaron consignes y manifestaron el so deséu de que la democracia nun tolere la presencia de nengún monumentu facista nin franquista nes cais o places públiques. Na pancarta los convocantes lleíase: "Fuera facistes de les cais. 40 años de dictadura, 30 años de "democracia". Tres d'una segunda pancarta baxo'l lema: "Asturies Antifacista", tamién podíen verse numberoses banderes d´Asturies cola estrella collorada. Cuatro furgonetes de policía hespañola tan visibles alrodiu los primeros concentraos y un policía secretu tomó vistes con una cámara de videu. Abonda prensa gráfica tamién acudió al eventu y filmó l'actu antifacista que dende hai dellos años faise tolos 20 de payares nesta Plaza d'Hespaña de la capital asturiana.


 

Alvarez Areces apoya a Isabel San Sebastián presentándo-y un llibru

El presidente asturianu del psoe Vicente Alberto Alvarez Areces apoyó ayeri nun actu a Isabel San Sebastian, la enemiga númberu unu del actual Presidente del goviernu hespañol José Luis Rodriguez Zapatero. Isabel San Sebastian ye una periodista-estrella mediática que tien como seña d'identidá el derribu del actual goviernu socialista hespañol de José Luis Rodriguez Zapatero al que ataca en tolos aspectos posibles dende les más diverses tribunes periodístiques de la derecha. Isabel San Sebastian non solo critica y ridiculiza a Rodriguez Zapatero dende los medios de comunicación sinon que se declaró como una ferviente aznarista, contraria al procesu abiertu dende'l goviernu de Zapatero pa dialogar con ETA, asina como ridiculiza toles iniciatives de Zapatero como la política internacional, la de reformar los estatutos, la política del agua, les sospeches acusando al psoe alrodiu del 11M, vivienda, educación, sanidad y ridiculiza tamién la idea de Zapatero de la nomada Alianza de Civilizaciones. Isabel San Sebastian trabaya pa medios vinculaos a la derecha como son la COPE, Cadena Popular o Vocento pelos que critica con insistencia lo negativo que ye votar al psoe.
La periodista realiza una xira de promoción personal per Asturies presentando ún de los sos llibros, actu qu'organizó l'agrupación derechista Foru Xovellanos en Xixón y na que'l Presidende asturianu Vicente A. A. Areces fizo enceses alabancies a Isabel San Sebastian ante un auditoriu enllenu de púbicu básicamnete femenín. San Sebastián afirmó que nació en Chile porque "los vascos nacemos onde nos dea la gana" y tamién dixo qu'Asturies tien que definise nel futuru Estatutu d'Autonomía como "nación fundadora".
Álvarez Areces pela so parte pertenez a una xeneración vieya de políticos del psoe más afines al felipismu y a les tesis del candidatu derrotáu José Bono que a les nueves corrientes de Zapatero.





Reclamen que la constitución reconoza a Asturies como Nación


D'un tiempu p'acá cada vez son más los partíos políticos, asociaciones de tou tipu y colectivos que reclamen qu'Asturies se reconoza na futura redacción de la constitución hespañola como una de les naciones, nacionalidaes históriques o comunidaes nacionales. Asina ye polo menos la terminoloxía que se baraxa pa definir a les futures Comunidaes Autónomes que gozarán de mayores prerrogatives polítiques y económico-fiscales dientru d'un hipotéticu Estáu hespañol federal y asimétricu. Nesti sentíu tolos partíos asturianos salvo el FSA-PSOE manifestáronse a favor de la consideración d'Asturies como una de les comunidaes de primer categoría política tamién nomaes nacionalidaes o naciones históriques. En concretu, el PP manifestó que diba reclamar p'Asturies la mesma consideración política que puea obtener Cataluña onde se pide una definición política expresa de nación o comunidá nacional catalana na futura redacción constitucional. Los demás partíos asturianos PAS, URAS, vienen apostando pola reclamación de la nacionalidá p'Asturies y vienen cellebrando los Díes de la Comunidá como Díes de la Nación Asturiana y cellebren tamién congresos "nacionales" asturianos de los sos partíos. Otros partíos asturianos vienen reclamando que se reconoza política y oficialmente a Asturies como Nación y la futura igua de la constitución hespañola afirmen que ye'l mediu más afayadizu pa llevalu a cabu. Al empar que se vien reclamando notres Comunidaes Autónomes, Asturies nun quier ser menos que naide y reclama que non ya por historia, llingua, tradiciones y vezos estremaos, por derechu antigu, instituciones históriques y por ser antigu Reinu, el vieyu País Asturianu seya por fin reconocíu como Nación sinon que pola sola voluntá de los sos integrantes la Comunidá asturiana seya reconocida como tala nación, al empar d'otres Comunidaes como Cataluña o Euscadi. Otres opiniones n'Asturies lleguen inclusu más allá y afirmen qu'Asturies ye la primera en tener derechu al so reconocimientu como nación histórica ya que foi la primera en fundar un Reinu independiente y soberanu, un Reinu que lluchó contra Hespaña (Spania) pol control peninsular, fechu que nunca tuvo llugar n'Euscadi, Cataluña o Galicia. Tamién se reclama que la constitución hespañola reconoza al futuru Xefe del Estáu hespañol como "Rei d'Asturies", como herencia histórica del antigu Reinu astur.





Asturies cellebró un añu más el día de la so identidá colectiva

Día de la Nación Asturiana, Día d'Asturies, Día de Cuadonga o Día de toles rexones asturianes lo cierto ye qu'el sistema autonómicu asturianu vien cellebrando los 8 de setiembre como si d'un espeyu de la identidá asturiana actual, decadente y dixebrada políticamente en demasiaes facciones y mancada poles dixebres y falta d'una xuntura colectiva amañosa y onde la llingua asturiana entá nun se considera oficialmente. Fiesta civil o relixosa nun sistema aparentemente laicu, folclórica y poco política, reivindicativa namás que del botellón y de les folixes camperes y alcóliques hasta altes hores de la nueche, les autoridaes locales, rexonales y autonómiques nin acierten nin quieren acertar a la hora de cellebrar a xeitu una fecha na que nun se recuerda nada y que nun tien nengún significáu políticu como ye la Fiesta de la Nuesa Señora de Cuadonga y de Guadalupe. Nel so tiempu la ilesia católica camudó la diosa celta de les agues en Virxe de Cuadonga y decretó el 9 de setiembre como la so fiesta patronal, depués camudaría esa fecha pal día 8. La idea de la diosa de Cuadonga como virxe d'Asturies y por ende patrona de l'asturianidá foi una doctrina alimentada tanto pola Ilesia como fervorosamente acoyida pol Pueblu Asturianu, pero que guei nun encaxa bien con una sociedá laica y moderna que ya nun reza al cielu pa salir de la probura sinon qu'aspira a cellebrar les feches polo que de fecho representaron. Asina, cada vegada son más los que prefieren el 25 de Mayu como Día nacional d'Asturies, en recuerdu de los acontecimientos históricos y políticos qu'esta fecha tuvo y tien pal imaxinariu colectivu y cívicu asturianu ya que foi el nacimientu políticu de l'Asturies moderna: el 25 de Mayu de 1808 la Xunta Xeneral d'Asturies declaróse independiente y soberana y declaró la primera la guerra a Francia, fechu qu'imitaron llueu otres Xuntes d'Hespaña y d'América y que dio pasu a la independencia de les colonies.
Palmarés del Festival CinegailesAST

El sábadu 29 de xunetu tuvo llugar en Xixón la Gala de Pieslle del primer Festival Internacional de Cine Gai y Lésbicu d'Asturies - CinegailesAST 2006, durante la que se llevó alantre la ceremonia d'entrega de los premios pa les diferentes categoríes. Tolos premios son concedíos pol públicu asistente a caúna de les sesiones oficiales competitives salvo'l Premiu d'Honor del Festival que lu otorga la organización del mesmu y que nesta primera edición foi pal cineasta norteamericanu d'orixe taiwanés Ang Lee. El Premiu al Meyor Curtiumetraxe foi pa Sirenito, de Proyectafilms (Hespaña), dirixíu por Marisa Crespo y Moisés Romera. Sirenito cuenta la hestoria d'un nenu de cinco años que quier antroxase de sirenín pa la fiesta del cole, colo que la madre convencida de que'l críu ye gai y cola ayuda de los sicólogos decide apoyalu en too. El Premiu a la Meyor Película foi pa La noche del escorpión, de Centraldecine (Hespaña), dirixida pola xixonesa Eva Lesmes. La noche del escorpión ta basada nuna obra del escritor Vicente García Oliva inspirada en fechos reales asocedíos na ciudá asturiana de Xixón: un artista gai transformista sal nun progama de sucesos de la televisión y por ello unos fascistes ultra lu asesinen en so propia casa, la policía nun investiga'l crimen dafechu y la madre de la víctima pide ayuda a los periodistes pa esclariar l'asesinatu. El Premiu a la Meyor Actriz foi pa Rosario Pardo por so papel nel curtiu Ricardo pieces descatalogaes. El Premiu al Meyor Actor foi pal francés Jalil Lespert pol so papel d'inspector de policía que nun asume la so homosexualidá na película titulada L'enemigu natural. El Premiu al Meyor Documental foi pa Somos padres, de Michel Horvat (Estaos Uníos) un impresionante testimoniu sobre una pareya gai que decide adoptar cinco fíos seropositivos que naide quier acoyer. La Gala de Pieslle tuvo presentada pol gran actor Dicarlo y a la mesma asistió'l director de cine cubanu Humberto Padrón ante la presencia d'un abondosu públicu nel Salón d'Actos del Antigu Institutu Asturianu de Xixón. El director del festival Xavi Vilareyo destacó'l gran éxitu d'esta convocatoria.

 
Ang Lee, Premiu d'Honor del Festival CinegailesAST

 
El primer Festival de Cine Gai y Lésbicu d'Asturies, que va celebrase en Xixón, nel Centru de Cultura Antigu Institutu del 26 al 29 de xunetu, va concede-y el so primer Premiu d'Honor al cineasta taiwanés Ang Lee por tola so carrera artística. Ang Lee nació na ciudá de Pingtung na islla de Taiwan en 1954 pero vien faciendo tola so carrera cinematográfica dende los Estaos Uníos aonde emigró en 1978. Estudió Belles Artes n'Illinois y en Nueva York. El so curtiu "Fine Line" ganó'l primer premiu de la Universidá de Nueva York. La so primer película Manes qu'emburrien (Pushing hands, 1992) participó nel Festival de Berlín y la so carrera ye una llarga llista de premios y éxitos. El banquete de boda (1993) fizo d'él un director d'éxitu y nesta película yá quiso romper colos estereotipos que marcaben a gais y lesbianes nel cine. Otros títulos de la so carrera onde siempre amuesa una grandísima sensibilidá coles emociones humanes son: Comer, beber, home muyer (1994); Sentíu y sensibilidá (1995), La tormenta de xelu (1997), Cabalgando col diañu (1999); Tigre agacháu y dragón escondíu (2000), Escoyíu (Chosen, 2001), Hulk (2003), y la exitosa Monte Brokeback (2005). Anguañu prepara el so últimu trabayu tituláu Placer y peligru. Ye tamién guionista y productor d'abondes películes suyes. Ang Lee recibirá un homenaxe na Gala de Pieslle del I Festival Internacional de Cine Gai y Lésbicu d'Asturies, CinegailesAST, el próximu sábadu 29 de a les 7 de la tarde, gala na que s'entregarán los premios del Festival.


 
Hestoria d'un vezu y Por estar contigo triunfen nel 2u Festival de Cine Asturianu

Hestoria d'un vezu, del director Santos Hevia y Por estar contigo, de la realizadora Teresa Marcos fueron les obres ganadores del segundu Festival de Cine Asturianu que se celebró n'Uviéu del 7 al 11 d'abril del 2006 y qu'entregó los sos Premios, los Fruteros de Cristal, nuna Gala de Pieslle nel Teatru Filarmónica. Por estar contigo de Deva Films recibió namenos que cuatro Premios del xuráu oficial: Meyor Curtiumetraxe Asturianu n'otra Llingua, Meyor Actriz (Montse Mostaza), Meyor Actor (Carlos Chamarro) y Meyor Dirección (Teresa Marcos). El Fruteru de Cristal al Meyor Curtiumetraxe n'Asturianu foi pa Hestoria d'un vezu, producíu por Kaos Film y Carré Noir. El Premiu al Meyor Guion foi pa Alberto Pardo por Entaína y el Premiu al Meyor Documental foi pa Lluvina, de Cinemastur Producciones. El Premiu d'Honor del Cine Asturianu foi pa l'actriz ovetense Mary Paz Pondal por tola so carrera artística na que destaquen unes 71 películes interpretaes. El 2u Festival de Cine Asturianu proyectó seis documentales, doce curtiumetraxes na sección oficial y trés estrenos en cine. Amás proyectó tamién les obres ganadores na pasada edición del Festival: Llencería d'ocasión y 7337. Na Gala d'Entamu actuó'l Grupu de Baile Aché-Nonaya d'Uviéu y darréu presentóse la sección oficial de curtiumetraxes finalistes ante'l xuráu oficial presente na sala. La Gala de Pieslle celebróse'l martes 11 d'abril ante un abondosu públicu nel Teatru Filarmónica onde se fizo la ceremonia d'entrega de Premios del Festival y l'entrañable homenaxe a l'actriz ovetense Mary Paz Pondal. Na Gala de Pieslle, a la qu'asistieron ente otres personalidaes el delegáu del Gobiernu Antonio Trevín, el conceyal Javier Vidal, el presidente del xuráu David Rivas, el presidente d'ARDA José Braña, la directora de l'Academia de Baile Baidán Amparo Villafruela, los actores José Antonio Lobato, Antonio Castro, Cristian Medina, les actrices Pili Hevia, Marisa Vallejo, Martina Bueno y los realizadores Nacho Carballo, Alfonso Suárez, Javier Prada, Alberto Pardo, José Hernández, Alberto Arce, Roberto Bernabéu o Amanda Castro. Na Gala de Pieslle actuó'l Grupu de Baile Baidán, l'acordeonista André Buche, Ánxel Nava qu'entregó'l Premiu al Meyor Actor y la propia Mary Paz Pondal qu'improvisó una maxistral interpretación qu'entamó col poema "Viva Uviéu" de Marcos del Torniello y que tamién proclamó'l Premiu a la Meyor Actriz. Los presentadores de les Gales d'Entamu y Pieslle fueron Yolanda Gil y Rubén Arias. El director del Festival, Xavi Vilareyo, adelantó que na próxima edición convocaráse'l Premiu a la Meyor Película.
El Festival de Cine Asturianu nació en Madrid el 27 d'abril del 2005 cola intención de celebrar el primer Centenariu del Cine Asturianu al cumplise los cien años del estrenu de la primer película asturiana de ficción: El robo de fruta. Ye por ello que'l Festival de Cine Asturianu concede como máximu galardón unos modernos fruteros de cristal en recuerdu d'aquella primer película asturiana realizada en 1905 Xixón pol piloñés Javier Sánchez Manteola. Na primer edición del Festival Gil Parrondo y Rico recibió'l Premiu d'Honor del Cine Asturianu nel Auditoriu del Atenéu de Madrid siendo amás presidente del primer xuráu oficial. El Festival de Cine Asturianu presentará próximamente Hestoria d'un vezu, Por estar contigo, Entaína y Lluvina en Madrid y n'otres ciudaes y fairá homenaxes a Teresa Marcos, Alberto Pardo, Montse Mostaza y Carlos Chamarro.


 
Notes sobre la madreña asturiana

La madreña ye'l calzáu más típicu y tradicional de l'Asturies campesina y trabayadora. Les condiciones naturales d'Asturies son les meyores pal desarrollu los árboles comu'l carbayu, la faya o el castañu. Antañu cuasi to país asturianu yera viesca, lo que facilitó l'aprovechamientu los recursos madereros. La madera foi durante munchu tiempu elementu imprescindible na vida cotidiana.De madera fairánse aperios, cacíos, muebles, xarrés...y calzáu. La madreña ye un calzáu que se asemeya al zuecu. Ta fechu d'una sola pieza de madera, cerráu pola parte superior , empicaxáu y con tacos nes sueles. L'orixe de les madreñes piérdese na nueche los tiempos, y contamos con teoríes pa tolos gustos: dende'l más puru determinismu xeográficu (pal barru), a la influencia celta. Lo que ta claro ye que yá s'usaben enantes la llegada los romanos, anque entós yeren más rudimentaries. Nel entamu sedría una simple tabla suxeta al pie por tires de piel. Con variantes, diríen evolucionando dende les formes que dexaben descubierta la parte superior, hasta la madreña zarrada que conocemos. El pisu tamién camudó en grosor hasta llegar a los dos o trés tacos d'agora. Hai exemplares d'estes característiques en Suecia, Dinamarca, Holanda, Alemania y Francia pero onde tienen mayor implantación y pervivencia ye nes Asturies y nel noroeste ibéricu. Sedrá na Cordillera Cantábrica, ente los Ancares y el ríu Miera (Les Asturies d'Uviéu y de Santillana), onde esti particular calzáu alcanzará mayor evolución, diversidá tipolóxica y difusión ente la población. Dafechu, en tolos conceyos y parroquies había madreñeros y mercaos de madreñes.L'oficiu de madreñeru alternábase colos llabores del campu y tresmitíase de xeneración en xeneración. La producción nunca foi masiva, y el consumu mayor yera local, magar que demientres munchos años los asturianos abastecieron de madreñes a tol norte d'Hespaña. L'oficiu de madreñeru debió ser ún de los más rentables de la industria artesanal. Xovellanos dicía nos sos Diarios refiriéndose a Puente los Fierros "fábrica de madreñes en que trabayen casi tolos vecinos pa llevales a la Feria del Camin, pues consúmense toes en Lleón y como ellos son los portadores, traen al país toles ganancies". Otros dos grandes centros madreñeros, además de Puente los Fierros, fueron Casu y Somiedu. La madreña casina, tamién llamada tarnina pol cercanu Puertu Tarna, ye negra y llisa y fue'l modelu más estendíu del oriente astur. Los distintos nomes que reciben les madreñes suelen indicar la procedencia o la forma quirosanes, alleranes, redondes, d'escarpín. Esisten dos grandes tipos de madreña, la nomada d'escarpín y la de zapatilla. La primera ye la más antigua y el so usu estinguiose col del escarpín, que yera un calzáu interior de llana, ensin armadura alguna. La segunda ye la madreña actual, más llixera y escotada, adaptada a la moderna zapatilla de pisu de goma. La ellaboración de la madreña llévase alantre nel taller, que solía tar na antoxana o nun tendexón. La madera más usada ye la de castañal, bedul, faya, nozal, pláganu y cerezal. En cortándose, trocéase desbastandola primero col fachu y depués cola azuela. Una vegada que tá conseguida la forma triangular, afuráquense cola gurbia y el tarabiellu lo que ye l'empeine y la boca. L'interior rebáxase cola llegra y l'esterior suavizase col raseru, suxeta la madreña nun maderu iguáu, que permite colgar d'él la ferramienta, facilitando el llabor. Nel pisu tallaránse los tazos. Una pea atrás y dos o una llarga horizontal delantre. El procesu continúa col arreglu la boca y bordes col cuchiellu y la talla decorativa con gurbia y punzones. Hasta qu'aparecieron los barnices industriales, finabase col afumáu que ye lo que-yos daba'l collor , doráu o prietu. N'Asturies central y occidental conseguíase'l negru con rames y fueyes de dalgunes plantes. Nel restu, el collor yera pardu tirando a roxu, pa lo que quemaben felechu verde o poco secu. Aparte la estética, l'afumáu impermeabilizaba la madreña. Les ampeyes o tacones pueden dir ferráes con clavos (los de la madreña llámense carchueles) y, en tal casu, rodéense con un alambre y chapa, pa que nun abran. Los ferraxes usábense pa evitar el desgaste la pea, asina comu pa nun esbariar. En vez d'un trincu (qu'asina llámase tamién al clavu), por zones, gastaben tarugos recambiables, de madera más resistente que la propia madreña. Col tiempu, l'asfaltu los caminos y la desaparición de los ferreros, llevaron a camudar les carchueles por tacos de goma. La decoración consistía nel grabáu de la puntera con motivos vexetales o xeométricos, qu'imitaben los elementos del calzáu. Varía col tipu de madreña, la zona y el madreñeru. Pueden ocupar tol empeine o dir en bandes circulares de la boca al picu. El sogueáu, les conches o la cruz gamada, son constantes na decoración asturiana dende la época castreña y podemos encontralos tanto na madreña como en muebles, hórros, cerámica o piedra. Como accesoriu pa la ñeve, acoplabénse marañones o barayones, que son unos aparatos de madera, paecíos a les raquetes, que suxetabénse con correes y aumentaben la estabilidá. Nes zones rurales inda s'usen abondo les madreñes y hai puestos en tolos mercaos d'Asturies. Pa caleyar ye lo meyor, y anque agora munchos caminos tan asfaltáos íA ver quien va al prau o a la cuadra ensin madreñes! . La madreña asturiana non sólo sirve güei pa vendela a los turistes allugando una santina dientro, sinon que tien un usu perestendíu y actual n'abondos y estremaos llabores. La madreña ye'l calzáu nacional d'Asturies, tou un símbolu nacional de la so milenaria y ancestral cultura.

Notes de sociollingüística asturiana

Les llingües son dalgo más qu’un mediu de comunicación, son tamién una manera de camentar y de güeyar el mundu. Toles llingües tienen unes normes internes, una gramática, y toes pueden espresar nociones abstractes. Nun hai llingües normales o fáciles nin llingües rares o exótiques. Si camentamos que’l xaponés ye la llingua más rara y exótica del mundu hemos reconocer tamién que pa un xaponés los idiomes más raros y exóticos sedríen l’asturianu o el francés. Nel nuesu mundu queden unes 6.000 llingües. Si sólo la nuesa ye la normal les 5.999 restantes sedríen les llingües rares: sólo dende la ignorancia podemos facer esti tipu de consideraciones. Tampoco existen llingües fáciles o enguedeyaes pues ello dependerá de la mayor o menor proximidá ente les respectives llingües. Por exemplu; pa un rusu el búlgaru ye una llingua fácil, más fácil que l’italianu pero pa un portugués l’asturianu ye una llingua más fácil que’l neerlandés, idioma que pa los alemanes tiense por fácil. Una llingua ye fácil pa nós porque la deprendimos na infancia o na escuela y por eso, entendémosla. Nel mundu actual ye natural saber y estudiar varies llingües. Ye bono deprender llingües y sobretoo ye perbono conocer y non marxinar a la que tenemos más cercana. Toles llingües son iguales en dignidá. Les más falaes del mundu nun son precisamente les más poderoses puesto que les llingües xueguen les más de les veces un papel políticu y económicu que les fai más o menos influyentes. Ye un erru cavilgar qu’una llingua con más falantes ye más útil qu’otra con menos. El conceptu d’utilidá va depender del sentíu que queramos da-y a esti conceptu: pa trabayar n’Alemaña necesitaremos saber alemán pero pa conocer Asturies necesitaremos l’asturianu.
Hai que remembrar con tristura que tamién hai llingües silenciaes, desaniciaes, marxinaes y prohibíes, llingües abandonaes quiciabes porque los falantes tuvieren qu’abandonar tamién el so país. La idea fata de qu’hai llingües superiores ya inferiores foi el pretestu ideolóxicu del racismu y del fascismu que defendía la ideoloxía de qu’había pueblos superiores y pueblos inferiores.
Nel inglés de la reina Victoria nun se podía falar de temes d’informática y amás un altu porcentaxe del palabreru d’esta llingua ye importáu d’otres llingües. La llingua inglesa foi inventando o adaptando cenciellamente nueves palabres y nuevos significaos pa nomar nuevos usos y realidaes. Dafechu igual que lo que faen toles llingües. Toles llingües son igual de modernes y preparaes p’afrontar los nuevos retos semánticos que produz la ciencia y la tecnoloxía nel mundu camundante y siempre evolutivu que nos toca vivir. Les llingües medren o amenórguense non por elles mesmes sinón más bien por factores políticos. Nun hai por too ello motivos pa siguir calteniendo complexos d’inferioridá o de superioridá no tocante a les llingües nin muncho menos desertar d’una llingua o d’una cultura. Nun se puede dicir a les persones nin a los pueblos que dexen de ser como són pa beneficiu de los que són como ellos quieren. Una llingua ye patrimoniu de tola humanidá.


Periodismu, llingua y medios de comunicación

La crítica que podemos facer al periodismu d´anguaño vien determinada por dellos aspectos. En primer llugar pola mercantilización interesada que se fai de la noticia y lo noticiable y lo qu'acompaña a esta mercantilización: el deber de tar siempre na cresta la fola, les noticies d’impactu pola necesidá de vender un productu y yá non por informar.
En segundu llugar pola ausencia descarada de toa veracidá. La veracidá nun ye siempre la que manda na noticia y nos medios. Acabamos creyendo que lo único verdadero nun informativu o periódicu ye la fecha y el so preciu. En tercer llugar denunciamos la constante propaganda interesao pa beneficiu priváu de los partíos políticos y estayes estremaes de poder como son la Ilesia Católica, los grupos empresariales incluyíu'l mercáu y too pol afán mercantilista, ello deriva nel periodismu d’anguaño nuna clara ocultación o manipulación interesada de les noticies y de la realidá. Sólo sal lo qu’interesa que salga. Tamién podemos amestar nesta crítica al periodismu actual los nomaos contratos basoria a los profesionales que trabayen con remuneraciones perprobes. En resumíes cuentes, too esto llévanos a duldar de la independencia de los medios de comunicación actuales y a constatar la desinformación de los ciudadanos asturianos col peligru qu’esto conlleva de facer persones na cai ensin espíritu críticu, desinformaes, manipulables y al debalu ideolóxicu, pa que lo aprovechen los centros de poder mayoritarios a los que beneficia enforma esti estáu de coses, esta situación de desinformación manipulada. Nel periodismu n´asturianu lo que tenemos ye tamién bastante probetayo anguaño. Na prensa escrito y revistes: namái un periódicu selmanariu edítase dafechu en llingua asturiana: “Les Noticies”. Pero tien pocu de noticies o de crítica política y termina siendo una amuesa de ciertu ámbitu cultural. Y permítaseme la palabra ámbitu. El restu de los periódicos editaos na Comunidá, namái tienen pequeñes estayes n´asturianu que suelen falar de temes culturales o de llingua y que, pa enriba, nin siquiera na selmana les lletres son capaces de facer como mediu páxines especiales en llingua asturiana. Tolo espuesto enantes arrequexa l´asturianu y a los sos problemes y nun-y fai nengún favor, al contrario. Yá rezáremos un padrenuesu pol periódicu quincenal “Güei” que yá nun ta ente nos y qu’espeyaba un xeitu diferente de facer periodismu. La mesma situación perprobe atopámosla na TV y na radio d’Asturies. El panorama periodísticu n’asturianu nesti campu atópase cuasi ermu. Cuntando con della programación pa neños nuna canal estatal con tresmisión n´Asturies y con otru programa de viaxes rurales andariegos cola mochila per Asturies, atopamos mui poco más. Y cosiquines asemeyaes sentimos nes emisores de Radio col enfotu de Prospero Morán y d’otros profesionales en Radio Vetusta d’Uviéu. Radio Sele ye un puntu y aparte nesti panorama. Ye proyectu de radio llibre que dende hai 19 años vien faciendo les sos emisiones n´asturianu. Anguaño ta recuperando una llicencia comercial que-yos quitó’l gobiernu socialista del señor Álvarez Areces. Falando de revistes o con formatu de revista, hai delles y bones. Cuasi que lligaes a asociaciones de calter cultural como Asturies memoria encesa d´un País, El Sumun, Astura. Otres de temática ecoloxista como Asturnatura, y por supuesto les revistes académiques: Lletres Asturianes, Entrambasguas, o Lliteratura, na que dacuando s’espublicen ensayos. Na interné hai proyectos mui interesantes dafechu n´asturianu como por exemplu asturies.com, asturnews, o artilanes.net. Toes con información d´Asturies actualizaes, con noticies, foros, blogs y comentarios. Agora analizaremos lo que diz y fai el pueblu asturianu. Nel II Estudiu sociollinguisticu de Francisco Llera y Pablo San Martín del añu 2002, dos de cada trés entrevistaos asturianos, esto ye, un 66.2 % nun tienen nengún llibru n´asturianu nel so llar. Anque esto nun quier dicir que los llean. Dafechu, del 79.2% que lleen llibros en xeneral, tan solo´l 17% d’ellos lleen llibros n´asturianu. Menos d'unu de cada diez entrevistaos nunca nun lleen periódicos o revistes. N´asturianu, llega a un 22.2% los que dicen que lleen. Davezu fainlo 3.1% y siempre sólo un 1.7 %. El balance de calidá de les publicaciones n’asturianu ye qu'un terciu de los entrevistaos considera que son bones o mui bones frente al 6.3% que les evalua negativamente. No tocante a la televisión les estadístiques dícennos que cuatro de cada diez entrevistaos, un 40.7%, vieron dalguna vez un programa n´asturianu na zona central, nes esnales del país lleguen al 30% namái. Nel añu 1991 foron el 68% colo que decatámonos que les emisiones en llingua asturiana amenorgaron abondo nos caberos años. Sobre porcentaxes referíos a la radio yá nin s´entruga nel estudiu de Francisco Llera y Pablo San Martín, suponiéndose qu’estos són cuasi nulos. Si pretendemos entemecer estos datos na pota y sacar conclusiones sobre la llingua asturiana nos medios de comunicación sólo nos averaría a les mesmes que saquen los autores d’ésti trabayu: a la llingua asturiana queda-y mui poco tiempu de vida na espresión del pueblu que la inventó y la usa. La sociedá nel so conxuntu paez que nun debate sobre los beneficios de la Oficialidá o de lo que se quier facer col idioma y el so silenciu conviértese en complice del xenocidiu llingüísticu d´una clas política asturiana analfabeta, percurtia ya inútil.


 
L'Arqueolóxicu de Madrid espón pieces furtaes del Patrimoniu asturianu

El Muséu Arqueolóxicu de Madrid vien esponiendo dende hai abondu tiempu una bayurosa y abondosa riestra de pieces artístiques asturianes que son Patrimoniu de la Humanidá con total impunidá yá que son un exemplu claru del expoliu, el furtu, el desinterés y la desprotección na que s'atopó y s'atopa inda el Patrimoniu hestóricu artísticu asturianu, esperdigáu de mala manera, bien de vegaes robáu o furtáu del so orixinal allugamientu y duldosamente trespasáu fuera de les fronteres d'Asturies ensin que naide o pocos se molestaren en denunciar estos y otros robos al bayurosu patrimoniu d'Asturies, una tierra que bien pue presumir d'una bayurosa herencia hestórica y polo tanto artística y cultural. Nin siquiera el patrimoniu asturianu de la Humanidá, el pre-románicu astur se llibra d'estos expolios y robos, en concretu la propia ilesia de San Miguel de Lliñu nel Narancu d'Uviéu tien pieces suyes importantes espuestes de mala manera nel Árqueolóxicu de Madrid, un muséu decimononicu que nun ye más qu'un exemplu de l'acción de los expolios artísticos propios d'otres dómines onde se pretendía que los patrimonios de los pueblos onde debíen tar yera na capital del estáu o incñusu nel estranxeru antes que nel so llugar propiu d'orixe. El Muséu británicu de Londres ye otru exemplu de cómo se ficieron nel pasáu los museos arqueolóxicos a costa del robu y l'expoliu de los pueblos del mundu con total impunidá ya qu'en munchos casos esos expolios ficiéronse cola complicidá o cola acción de los propios estaos imperiales. Grecia ye unu de los países, Turquía tamién y Exiptu en menor midida que más reclamen la devolución de los sos tesoros artísticos lliteralmente robaos de los sos países pa amosase como oxetos de feria en Museos xenerales foriatos. El Muséu de Madrid ye unu d'estos tipos de museos expoliadores, onde poco o cuasi nada ye de Madrid y toles xoyes artístiques son de fuera, talu ye'l casu de la Dama d'Elx que vien siendo reclamada pola Comunidá Valenciana cuantayá. Nel casu del Patrimoniu asturianu l'expoliu algama a la mesma ilesia de San Miguel de Lliñu de la que se robaron en concretu un dintel, un capitel adosáu, un salmer d'arcu, una clave d'arcu, un guapu capitel adornáu y otru fragmentu de capitel, fechos toos ellos de piedra calizo y marmol gris, exemplu too ello de la dexadez y l'expoliu del pre-románicu asturianu del que se llevaron cachos enteros pa fuera d'Asturies. Capítulu aparte merez l'expoliu o furtu cometíu no tocante a les xoyes d'oru de los ástures: torques, fíbules, diademes como la de Moñes, rotes y espardíes per dellos museos como'l de Madrid son un exemplu del robu al patrimoniu asturianu ensin derechos de tresmisión de propiedá claros y con un inclín de desaniciu de la personalidá del arte asturianu son too ello una amuesa de la vergoña que padeció l'arte en xeneral nel Estáu español y la poca consideración n'especial hacia l'arte asturianu. Les xoyes asturianes amuésense nel Muséu de Madrid con total despreciu ya ignorancia, nun se menciona nin siquiera el so orixe, l'arte de los ástures pal casu de les xoyes doraes, o la Monarquía asturiana pal casu del pre-románicu y el colmu de la burlla pasa pola amuesa tracamundiada nel Arqueolóxicu madrilanu de les xoyes de Veigadeo como supuesta "diadema de Ribadeo (Galicia)". El Muséu Arqueolóxicu de Madrid pertenez al Ministeriu d'Educación y Cultura español.



La Conseyería de Cultura de Gales recomienda falar galés

La Conseyera de Cultura del País de Gales faló de les ventaxes de falar la llingua galesa, diciendo que pue ser una oportunidá p'atopar un trabayu asina como un beneficiu añadíu. Esto dixo Jenny Randerson de la que se llanzaba la campaña oficial "Una llingua pa toos y pa toes" dientro de la política del Parlamentu galés p'aumentar el númberu de falantes de galés del 21% actual a un 26% pal añu 2011. Deprender galés da a la xente un meyor entendimientu de la cultura galesa y l'aumentu de falantes significaría un aumentu de l'autoconfianza nel País. La nuesa política llinguística, dixo, nun ye sólo pal 21% de galésfalantes sinon que ye dalgo pa toos y pa toes. La nuesa cultura ta inmersa na llingua, auquiera que vayas en galés atoparás nomes o topónimos galeses y entenderíemos tantu más de la nuesa cultura si supiéremos más de la llingua o polo menos entendiéramosla. Qu'una llingua la falen menos persones nun significa qu'eses persones tengan menos derechos, amestó Jenny Randerson. Deprender galés ye un beneficiu pa toos, los billingues tienen más facilidaes pa deprender otres llingues foriates. Hai una demanda real de xente que sepa falar galés especialmente n'aquelles profesiones relacionaes colos negocios, el comerciu o los servicios d'atención al públicu y a los consumidores en xeneral polo que saber la llingua galesa pue ser un beneficiu p'atopar trabayos. El Parlamentu de Gales reservó unos 30 millones de libres pa invertir nel aumentu del númberu de falantes de la llingua. Esta situación de fomentu de la llingua nel Principáu de Gales contrasta cola situación llinguística del País Asturianu, onde la llingua nun sólo nun gocia del apoyu nin fomentu oficial sinon que sufre una persecución y ñegación oficial nunca vista nuna democracia que se diz consolidada. Munchos califiquen la situación de represión llinguistica d'Asturies como pre-constitucional y asemeyada a la qu'esistía durante la dictadura franquista hespañola. Un 80% de los asturianos y asturianes reconoz falar total o parcialmente la llingua asturiana.



 
Denuncien al canal TPA por marxinar la llingua asturiana ya incumplir la llegalidá

Izquierda Asturiana y abondes asociaciones y colectivos denunciaron que la televisión pública d'Asturies, TPA, marxina y persigue la llingua asturiana violando la llexislación y qu'ello ye conseciencia de les directrices polítiques a les qu'obedez. Por ello pidieron la dimisión del director d'esti mediu José Ramón Pérez Ornia, nomáu pol presidente del PSOE Vicente Álvarez Areces. En concretu denuncien la nula presencia de la llingua d'Asturies nel nuevu canal y que la TPA "ta traduciendo al castellanu cuentos de la mitoloxía asturiana, escritos orixinalmente n’asturianu, que tán espardiéndose a la reciella en castellanu”.
Nel pautu de gobiernu robláu en 2003 pola FSA y IU-BA se comentaba literalmente “apostamos por un ente públicu modernu técnicamente, comprometíu cola realidá cultural y llingüística d’Asturies” al igual que se firmaba un “impulsu de la llingua asturiana nos medios de comunicación apoyando un usu rigorosu y normalizador” y un prometedor “diseñu y usu activu del futuru Ente de comunicación nesi sen”. Dende’l pasáu vienres 9 de xunu nel que la TPA entamó les emisiones de forma regular, la presencia del asturianu ye nula y el castellanu usáu por esa televisión ye inclusu babayu yá que usen un tipu de llingua castellana que nin siquiera s'usa n'Asturies y que ye amoriante. Según el portavoz d’IAS “el porcentaxe d’emisión na nuesa llingua ye del 0 %, lo que vien a confirmar los piores badagüeyos sobre la presencia del asturianu na televisión publica asturiana y confírmase que la burlla del cacarexáu pautu de la esquierda plural algama dimensiones astronómiques”. Llope amestó qu’esti fechu se vuelve inda más sangrino cuando conocemos que "parte de los conteníos se traducen pa evitar la presencia del asturianu, y más teniendo en cuenta que los espertos señalen que la programación nes llingües minorizaes tien especial importancia la programación infantil".
Pal portavoz d’Izquierda Asturiana esti fechu amuestra que “si-y quedaba a dalguién dulda dalguna de la voluntá normalizadora de los responsables de la RTPA y del gobiernu del PSOE-IU-BA, yá ta esclarada, la so normalidá ye esta; una Asturies na que se desanicia tou elementu de la nuesa cultura y identidá.” En palabres d’Ignaciu Llope “ye una tomadura de pelo, una ironía que’l lema de la televisión autonómica seya ‘reflejo de Asturias’, cuando polo que tamos viendo namás que se dedica a reflectir una Asturies monollingüe, sin personalidá, una Asturies que namái esiste nel maxín de los responsables de la FSA. Una Asturies aculturizada deformada por una visión provinciana y acomplexada qu’espeya perfectamente’l proyectu de non-país que tien el gobiernu asturianu na que too aquello que remita a identidá molesta y ha desaparecer”.
Pal responsable de Comunicación y Nueves Tecnoloxíes de MIAS, Xuacu Rodríguez, “esta televisión que debiere ser la de toles asturianes y asturianos carez totalmente d’un modelu propiu pa ufrir programación afayadiza y de calidá a la mocedá asturiano”. Amás, aprovechó pa reiterar “l’insultu a los habitantes d’esti País que costitúi la nula presencia de la llingua asturiana nunes emisiones que, en cualquier otru llugar del Estáu con llingua propia, emplegaríen ensin problema y como ferramienta de normalización social”
Asina, pal voceru de Mocedá d’Izquierda Asturiana, “la inesistente presencia na TPA d’una programación pa l’audiencia xuvenil dexando de lláu, como creyemos y tamos viendo, la presencia nella de conteníos qu’espardan y promuevan valores como la solidariedá, la xusticia social, la ecoloxía o l’asociacionismu mozu ye una amuesa más de la dexadez qu’esti gobiernu de la esquierda plural tien pa coles polítiques en materia de mocedá, amás de la vergoña ayena que nos produz decatanos del sentimientu antiasturianu de los sos dirixentes, que veten la entrada de la llingua propia d’Asturies”. Nesti sen, Xuacu Rodríguez quixo denunciar enérxicamente “el nuesu mayor despreciu énte abusos como la traducción nel programa Presta Asgaya de cuentos escritos n’asturianu, con temática mitolóxica, que tan espardiéndose a les neñes y neños asturianos en castellánu”. El portavoz de Comunicación de MIAS entrúgase “si ye l’aculturización, la torna de cuentos fechos por escritores asturianos como Miguel Solís Santos al castellán y la censura llingüística, la manera d’espeyar esi Reflexu de Nós qu'engañosamente propugnaba la publicidá de la TPA". Asina, abondos grupos culturales denunciaron tamién l'agresión “intolerable y constante de la TPA a tolo que tenga que ver cola nuesa llingua y cultura”. L'Estatutu d'Autonomía d'Asturies y la Llei del Asturianu reconocen al asturianu como llingua tradicional d'Asturies y obliga a los poderes públicos al so espardimientu a través de los medios de comunicación social, predisposiciones que la TPA vien incumpliendo dende'l so entamu.
Denuncien la marxinación del asturianu na televisión

El 12 de payares de 2003 l'Academia de la Llingua Asturiana comparecía na Xunta Xeneral del Principáu d'Asturies p'amosar la so posición en rellación cola presencia qu'habría tener la Llingua Asturiana nel futuru Ente Públicu de Comunicación del Principáu d'Asturies. Pasaos más de dos años d'aquella comparecencia ensin que se tomare determín políticu sobre esti asuntu magar que yá se ficieron les pruebes pa la seleición de los profesionales y que, al empar, yá se tán emitiendo dalgunos programes, l'ALLA xulga afayadizo, nesti momentu, afitar otra vuelta'l so posicionamientu en rellación con esti asuntu, posicionamientu que tresmitió reiteradamente a los responsables del Ente Públicu de Comunicación y del so Conseyu d'Alministración nes xuntes calteníes al respeutive nestos meses d'atrás y que se resume no que vien darréu:
1. L'Academia de la Llingua Asturiana camienta que la TV Asturiana ha tar diseñada de mou que contribuya a vertebrar territorial, social y culturalmente Asturies y que valga d'instrumentu eficaz pa la recuperación, espardimientu, dignificación y normalización social de la llingua asturiana.
2. El tratamientu de les llingües asturiana y castellana na TV habrá ser equiparable a tolos efeutos. Ello lleva apareyao necesariamente lo siguiente: a. Que l'espaciu dedicáu a la emisión en llingua asturiana seya un 50% del total de la programación. b. Que nun se dea nengún tipu de discriminación nel repartu de les bandes horaries d'audiencia. c. Que nun se dea nengún tratu desigual na axudicación de los diferentes tipos de programes. Esto ye, qu'en llingua asturiana se faga la mesma mena de programes (informativos, de debate, culturales, etc.) y na mesma proporción qu'en llingua castellana.
3. La proporción d'emplegu de la llingua asturiana habrá aumentar hasta facese mayoritaria nos otros dos medios del Ente Públicu de Comunicación: radio y prensa dixital. Ello derívase, per un llau, del fechu de la necesidá (y facilidá) d'averar l'asturianu a les nueves teunoloxíes (fundamentalmente, internet) y, per otru, a la favoratible acoyida y el refrendu social que vienen teniendo ente la población les esperiencies d'emplegu radiofónicu de la llingua asturiana na Cadena Ser, Cope, Onda Cero o en Radio Sele.




El Teixu de Páramu en peligru

El Teixu pervieyu de Páramu, nel conceyu asturianu de Teberga, cuerre peligru de morrer afogáu por mor d'una reciente ya insensata obra de formigonáu dafeitu del suelu onde s'asitia y pola obra d'un bancu redondu alredor del so tueru tamién feitu de formigón armáu. El Teixu n'Asturies ye un árbol milenariamente sagráu yá dende la dómina de los ástures que lu consideraben como a un dios viviente. Sin embargo ye tamién una especie abondo delicada y sensible a cualesquier cambiu nel terrén y sobremanera a los constantes formigonaos y alquitranaos del so suelu circundante yá qu'ello quíta-y dafeitu de recibir humedá y aire y cuerre peligru de quedase podre, secu o entrambes les dos coses. Con ello muitos vecinos y turistes piensen que lo meyor ye que les autoridaes y vecinos tomen conciencia d'esti peligru que cuerre non sólo'l guapu Teixu teberganu de Páramu sinón tamién muitos otros teixos d'Asturies que ven cómo la zuna espansiva del formigón y del alquitrán llega hasta les mesmes bases, sofitos y raigaños de los milenarios Teixos, poniendo en peligru la so propia esistencia como ser vivu que ye. El Teixu de Páramu atópase xusto enfrente de la guapa ilesia del pueblu de Páramu, como tantos otros teixos astures, prueba evidente del so calter sagráu y milenariu.


 
Denuncien corrupción nel casu los terrenos de Poniente-Xixón

El trabayu qu'entamó Vicente Alberto Álvarez Areces construyendo los pisos privaos de luxu de los sablones de Poniente y L'Arbeyal, na ciudá de Xixón, allugaos, una delantre de los astilleros de Naval Xixón, y la otra delantre d'Izar, cola collaboración del delegáu del grupu inmobiliariu Progea n'Asturies, José Antonio Hevia Braña, gracies al conveniu firmáu ente'l conceyu de Xixón y la ONG del responsable d'esti amestáu inmobiliariu vinculáu a IU, pol que se-y daba cobertura "social" a la liquidación industrial de la bahía xixonesa, dientro d'un plan de "rexeneración urbanística y erradicación del chabolismou" concluye agora cola entrega de los terrenos d'Izar, por un preciu perprobe. El diariu El Comercio, faise ecu del informe publicáu n'El Mundo, nel qu'esti periódicu publica les descomanaes deldes que'l Partíu Socialista ya IU caltienen coles caxes d'aforros, del qu'extraen dalgunos datos sobre la delda qu'esta formación mantién con Caxastur, una pequena parte de la escalofriante delda d'esta formación política. Nesti sentíu denúnciense les relaciones ente la política y la especulación urbanística que destruye l'empléu, esbarrumba empreses n'Asturies y compromete'l futuru asturianu, son más qu'evidentes, como les enormes deldes de los partios políticos pol mantenimientu de les sos estructures, que n'absoluto acomódense inda a los númberos declaraos al Tribunal de Cuentes. Los únicos que parez que cuerren el riesgu de dir a la cárcele son dos sindicalistes de la Corriente Sindical (Carnero y Morala) que suponen una torga pa que peracaben con facilida estos negocios. Denuncien que la desvergoña coa que se actua na vida política asturiana nun conoz llende nin frenu nengún, y que'l poder de los personaxes que mueven los filos d'estes operaciones d'enriquecimiento brutal, a costa del patrimoniu públicu, na más absoluta impunida, llega hasta'l puntu de poder mandar pa la cárcele al que s'oponga a les sos pretensiones ya intereses. Nesti sentíu yá ta convocao una gran manifestación en Xixón apoyada por abondos colectivos sociales, políticos y sindicales contra la corrupción y la llibertá d'espresión que tendrá llugar el prósimu 22 de payares a les 19,30 baxo'l lema: Contra la represión y poles Llibertaes.



 
Naz una nueva asociación pol asturianu: n'ast

N’AST ye una asociación que tien énte los oxetivos "la defensa de los drechos democráticos de los asturianos en materia llingüística, cola oficialidá de la llingua d'Asturies y la xunidá del idioma asturianu col rechazu a cualesquier segregación llingüística del ocidente asturianu" como unes de les custiones cimeres de la so actividá. En N'AST camienten que toda fala autóctona que s'use n'Asturies ye asturianu y qu'emplegar el términu de "gallego-asturianu" n'Asturies ye una falsedá y una incorrección. En N’AST trabayarán positivamente "tanto pol aniciu d’espacios d’alderique, defensa de la toponimia tradicional asturiana, l’alfabetización y el deprendimientu del asturianu… como na denuncia de los casos de represión o marxinación llingüística y de los sos responsables públicos o privaos". Asinamesmo, N’AST, como colectivu "que llucha pola xunidá llingüística del asturianu tampoco nun pue sofitar la defensa de la segregación llingüística". Sicasí, apoyen "a toes toes la oficialidá de la llingua d’Asturies y a les persones qu´individualmente asisten con esti fin al manifestamientu del prósimu sábadu 18 de payares". En cualesquier casu, N’AST "nun quier quedar al marxe nesta xornada de reivindicación llingüística, y ello asina, axúntase a la mesma con una convocatoria propia pal prósimu día 18 de payares a les 18 hores" consistente en dos concentraciones pola Oficialidá del asturianu delantre les sedes del PSOE (Cai Santa Teresa 20) y d´IU (Plaza d'América), "afitando qu´estos partíos son responsables directos de la represión llíngüística que padez Asturies". Dende N’AST reiteren la so intención de "participar na defensa de la oficilidá de la llingua d’Asturies dende la coherencia."

 

¿Y esta publicidad? Puedes eliminarla si quieres
¿Y esta publicidad? Puedes eliminarla si quieres